పోలీసు అమరవీరుల దినోత్సవం సంధర్భంగా వారి స్మారకార్థం మెట్ పల్లి సర్కిల్ పరిధిలోని మల్లాపూర్, మెట్ పల్లి, ఇబ్రహీం పట్నం మండలాల వాలీబాల్ టోర్నమెంట్ ని మెట్ పల్లి పట్టణంలోని అంబేద్కర్ స్టేడియంలో సీఐ నిరంజన్ రెడ్డి ఆద్వర్యంలో నిర్వహించారు. మొత్తం 8 జట్లు పాల్గొనగా మెట్ పల్లి విజేతగా, వాల్గొండ రన్నరప్ గా నిలిచాయి.
- Advertisement -
విజేతలకు డి.ఎస్.పి ఉమామహేశ్వరరావు బహుమతులు, నగదు అందజేశారు. ఈ సందర్బంగా సీఐ మాట్లాడుతూ యువత చెడు వ్యసనాలకు పోకుండా క్రీడల పట్ల ఆసక్తి చూపాలని క్రీడల్లో రాణించి ఉన్నత స్థానం పొందాలని, ఓడిపోయిన జట్లు కుంగిపోవద్దని, విజయం కోసం కష్టపడాలని జిల్లా స్థాయి పోటీల్లో మన జట్టు విజయం సాధించాలని కోరారు.
ఈ కార్యక్రమంలో మూడు మండలాల ఎస్సైలు చిరంజీవి, కిరణ్ కుమార్,పోలీస్ సిబ్బంది పాల్గొన్నారు.
