Tirumala| తిరుమలలో భక్తుల రద్దీ సాధారణంగా కొనసాగుతోంది. టోకెన్ లేని భక్తులకు స్వామివారి దర్శనం కోసం 6 గంటల సమయం పడుతుండగా.. రూ.300 టికెట్లు ఉన్న భక్తులకు 2 గంటల సమయం పడుతోంది. ఆదివారం శ్రీవారిని 69,333 మంది భక్తులు దర్శించుకోగా.. 22,606 మంది భక్తులు తలనీలాలు సమర్పించి తమ మొక్కులు చెల్లించుకున్నారు. ఇక శ్రీవారి హుండీ ఆదాయం రూ.3.53కోట్లు వచ్చినట్లు టీటీడీ అధికారులు తెలిపారు.
ఇక స్వామివారి సేవల విషయానికొస్తే.. ఇవాళ సాయంత్రం 7 గంటల నుంచి రాత్రి 8 గంటల వరకు శుద్ధి రాత్రి పూట కైంకర్యం(ఏకాంతం) సేవ ఉంటుంది. రాత్రి 8 గంటల నుంచి అర్థరాత్రి 1 గంట వరకు భక్తులకు శ్రీవారి దర్శనం కల్పిస్తారు. అర్థరాత్రి 1 నుంచి 1.30 వరకు శుద్ధి ఏకాంత సేవ ప్రిపరేషన్ ఉంటుంది.1.30 గంటల నుంచి ఏకాంత సేవ ఉంటుంది.
ఇదిలా ఉంటే తిరుమలలో ఈనెల 31న వీఐపీ బ్రేక్‌ దర్శనాలు రద్దు చేసినట్టు టీటీడీ ఓ ప్రకటనలో తెలిపింది. దీపావళి ఆస్థానం దృష్ట్యా వీఐపీ బ్రేక్‌ దర్శనాల రద్దు చేయాలని నిర్ణయించింది. ప్రొటోకాల్‌ ప్రముఖలు మినహా.. సిఫార్సు లేఖలపై వీఐపీ బ్రేక్‌ దర్శనాలు రద్దు చేశామని పేర్కొంది. ఈనెల 30న సిఫారసు లేఖలు స్వీకరించబోమని అధికారులు వెల్లడించారు. ఈ విషయాన్ని దృష్టిలో ఉంచుకుని సహకరించాలని భక్తులకు విజ్ఞప్తి చేశారు.