CM Chanrababu| ఏపీ సీఎం చంద్రబాబు కాసేపట్లో ఢిల్లీ పర్యటనకు వెళ్లనున్నారు. వెలగపూడి సచివాలయం ఎదురుగా ఉన్న హెలిప్యాడ్ నుంచి హెలికాఫ్టర్‌లో గన్నవరం విమానాశ్రయానికి చేరుకుంటారు. అనంతరం అక్కడి నుంచి ప్రత్యేక విమానంలో ఢిల్లీకి వెళ్లనున్నారు. మధ్యాహ్నం 3.45 గంటలకు ఢిల్లీకి చేరుకుంటారు.
ఈ పర్యటనలో భాగంగా పలువురు కేంద్ర మంత్రులతో చంద్రబాబు భేటీ అవుతారు. రాష్ట్రాభివృద్ధికి సంబంధించిన విషయాలపై వారితో చర్చించనున్నారు. అలాగే బీజేపీ పెద్దలతోనూ సమావేశం కానున్నారు. అనంతరం రేపు(శనివారం) ఉదయం ఢిల్లీ నుంచి మహారాష్ట్రకు చంద్రబాబు బయలుదేరి వెళ్లనున్నారు. మహారాష్ట్ర అసెంబ్లీ ఎన్నికల ప్రచారంలో ఆయన పాల్గొంటారు. ఎన్డీఏ అభ్యర్ధుల విజయాన్ని కాంక్షిస్తూ తెలుగు ప్రజలు ఎక్కువగా ఉన్న ప్రాంతాల్లో ఆయన ప్రచారం నిర్వహించనున్నారు. చంద్రబాబుతో పాటు పవన్ కల్యాణ్ కూడా ఎన్నికల ప్రచారం నిర్వహించే అవకాశాలు ఉన్నాయి.