Pushpa2 Poster| ఐకాన్ స్టార్ అల్లు అర్జున్(Allu Arjun) హీరోగా నటించిన ‘పుష్ప2(PUSHPA 2)’ నుంచి ఊర మాస్ పోస్టర్ వచ్చింది. రేపు(ఆదివారం) సాయంత్రం 6.03 గంటలకు ట్రైలర్ రిలీజ్ చేస్తున్నట్లు ఈ పోస్టర్ ద్వారా మేకర్స్ ప్రకటించారు. ఈ పోస్టర్‌లో పుష్ప రాజ్ రెండు గొడ్డలను పట్టుకుని విధ్వంసాన్ని సృష్టిస్తున్నట్లుగా ఉన్నాడు. ట్రైలర్‌తో ఊచకోత ఖాయమని మేకర్స్ చెబుతున్నారు. అన్నిరికార్డులను వేటాడటం ఖాయమని ధీమా వ్యక్తం చేస్తున్నారు. ఈ చిత్ర ట్రైలర్‌ను బీహార్ రాజధాని పాట్నా నగరంలో జరగనున్న గ్రాండ్ ఈవెంట్‌లో లాంచ్ చేసేందుకు చిత్ర యూనిట్ భారీ ఏర్పాట్లు చేస్తోంది.
సుకుమార్ దర్శకత్వంలో తెరకెక్కించిన ఈ సినిమా డిసెంబర్ 5న ప్రపంచవ్యాప్తంగా గ్రాండ్‌గా విడుదలకానుంది. ఇప్పటికే ఈ చిత్రం నుంచి విడుదలైన పోసర్లు, లిరికల్ సాంగ్స్ అభిమానులను ఊర్రుతలుగుస్తున్నాయి. ఇక ఈ సినిమాలో యంగ్ బ్యూటీ శ్రీలీల ఐటం సాంగ్‌లో ఆడిపాడనుంది. కాగా ‘పుష్ప’ సినిమాతో ఉత్తమ నటుడిగా బన్నీకి నేషనల్ అవార్డు రావడంతో ‘పుష్ప2’ సినిమాపై దేశవ్యాప్తంగా భారీ అంచనాలు నెలకొన్నాయి. అందుకు తగ్గట్లే ఇప్పటికే ఈ సినిమా థియేట్రికల్ రైట్స్ ఊహించని స్థాయిలో అమ్ముడుపోయాయని ఫిల్మ్ నగర్ వర్గాలు చెబుతున్నాయి.