ఐకాన్ స్టార్ అల్లు అర్జున్‌ (Allu Arjun) హీరోగా నటించిన ‘పుష్ప 2’ ట్రైలర్ (Pushpa 2 Trailer) వచ్చేసింది. బీహార్‌ రాజధాని పట్నాలో జరిగిన ఈవెంట్‌లో మేకర్స్ ట్రైలర్ విడుదల చేశారు. ఈ ట్రైలర్ అభిమానుల అంచనాలు మరింత పెంచేసింది. ఇందులో రష్మిక, జగపతిబాబు సునీల్, అనసూయ, లుక్స్‌ అదిరిపోయాయి. చివర్లో ‘పుష్ప అంటే నేషనల్ అనుకుంటిరా.. ఇంటర్నేషనల్ బ్రాండ్’ అంటూ బన్నీ చెప్పిన డైలాగ్ విజిల్స్ కొట్టిస్తోంది.
సుకుమార్ దర్శకత్వంలో తెరకెక్కించిన ఈ సినిమా డిసెంబర్ 5న ప్రపంచవ్యాప్తంగా గ్రాండ్‌గా విడుదల కానుంది. ఇప్పటికే ఈ చిత్రం నుంచి విడుదలైన పోసర్లు, లిరికల్ సాంగ్స్ అభిమానులను ఉర్రూతలూగిస్తున్నాయి. ఇక ఈ సినిమాలో యంగ్ బ్యూటీ శ్రీలీల ఐటం సాంగ్‌లో ఆడిపాడనుంది. కాగా ‘పుష్ప’ సినిమాతో ఉత్తమ నటుడిగా బన్నీకి నేషనల్ అవార్డు రావడంతో ‘పుష్ప2’ సినిమాపై దేశవ్యాప్తంగా భారీ అంచనాలు నెలకొన్నాయి. అందుకు తగ్గట్లే ఇప్పటికే ఈ సినిమా థియేట్రికల్ రైట్స్ ఊహించని స్థాయిలో అమ్ముడుపోయాయని ఫిల్మ్ నగర్ వర్గాలు చెబుతున్నాయి.