ఐకాన్ స్టార్ అల్లు అర్జున్(Allu Arjun) హీరోగా నటిస్తోన్న ‘పుష్ప2’ ట్రైలర్ ఆదివారం విడుదలైన సంగతి తెలిసిందే. విడుదలైన కొన్ని గంటల్లో మిలియన్ల వ్యూస్‌తో యూట్యూబ్‌లో దూసుకుపోతోంది. మరోవైపు సినీ సెలబ్రెటీలు కూడా ఈ ట్రైలర్‌పై ప్రశంసలు కురిపిస్తూ సోషల్ మీడియా వేదికగా పోస్టులు పెడుతున్నారు. కాగా రష్మిక హీరోయిన్‌గా నటించిన ఈ సినిమా డిసెంబర్ 5న ప్రపంచవ్యాప్తంగా విడుదల కానుంది.
పట్నాలో వైల్డ్‌ఫైర్‌ మొదలైంది.. అది దేశమంతటా విస్తరిస్తోంది. డిసెంబర్ 5న చెలరేగుతోంది. పార్టీ కోసం వేచిఉండలేకపోతున్నా పుష్ప- రాజమౌళి
ఇది నిజంగానే వైల్డ్‌ఫైర్‌. అల్లు అర్జున్, సుకుమార్‌లు మరోసారి మేజిక్‌ చేయడానికి సిద్ధమయ్యారు. ఇది పవర్‌ ప్యాక్డ్‌ ట్రైలర్. బిగ్‌ స్క్రీన్‌పై సినిమా చూసేందుకు వేచిచూస్తున్నా- అనిల్‌ రావిపూడి
తిరుగుబాటును విప్లవంగా మార్చిన వ్యక్తి తిరిగి వచ్చాడు. అప్పటికంటే ఎక్కువ బిగ్గరగా, ఉగ్రంగా, ఘోరంగా ఉన్నాడు. ఈ పవర్‌హౌస్‌కు శుభాకాంక్షలు తెలియజేస్తున్నా. డిసెంబర్ 5 కోసం ఎదురుచూస్తున్నా – ప్రశాంత్‌ వర్మ
‘పుష్ప2’ ట్రైలర్ ఓ బ్లాక్బస్టర్. ఐకాన్‌స్టార్‌ ఈ చిత్రం కోసం ఎంత కష్టపడ్డారో తెలుస్తోంది. ప్రతి ఫ్రేమ్‌లోనూ సుకుమార్‌ సర్‌ ప్రతిభ కనపడుతోంది. టీమ్‌కు నా శుభాకాంక్షలు – బాబీ
ట్రైలర్‌లోని మాస్‌ ఎలిమెంట్స్‌ అదిరిపోయాయి. మరో బ్లాక్బస్టర్ సిద్ధమవుతోంది.. చిత్రబృందానికి అభినందనలు – రిషభ్ శెట్టి
ప్రతి ఫ్రేమ్‌ మీ కృషిని తెలియజేస్తుంది. పుష్పరాజ్‌ పాత్రలో అల్లు అర్జున్ తపన కనపడుతోంది. మీరు దీనికోసం పడిన కష్టం, శ్రమ.. దీని కోసం వెచ్చించిన సమయం అన్నీ సినిమాపై మీకున్న
ప్రేమకు స్పష్టమైన సాక్ష్యాలు. హ్యాట్సాఫ్ డియర్‌ అల్లు అర్జున్ – హరీశ్‌ శంకర్‌
ఇప్పుడు చెప్పండ్రా అబ్బాయిలు.. నేషనల్‌ అనుకుంటారా, ఇంటర్నేషనల్‌ అనుకుంటారా..?- బుచ్చిబాబు