ఏపీ అసెంబ్లీ (AP Assembly) సమావేశాలు కొనసాగుతున్నాయి. సోమవారం ఏడు కీలక బిల్లులకు శాసనసభ గ్రీన్ సిగ్నల్ ఇచ్చింది. ఏపీ పంచాయతీ రాజ్ సవరణ బిల్లు-2024, ఏపీ మున్సిపల్ సవరణ బిల్లు-2024, ఏపీ ల్యాండ్ గ్రాబింగ్ నిరోధక బిల్లు-2024 బిల్లులకు ఏపీ శాసనసభ ఆమోదం తెలిపింది.
- Advertisement -
అలాగే ఎంత మంది పిల్లలు ఉన్నా స్థానిక సంస్థల ఎన్నికల్లో పోటీ చేసేందుకు అవకాశం కల్పించేలా నిబంధనలు మారుస్తూ తీసుకొచ్చిన బిల్లు ఏపీ అసెంబ్లీ (AP Assembly) లో ఆమోదం పొందింది. ఎన్టీఆర్ హెల్త్ యూనివర్సిటీ సవరణ బిల్లు-2024, ఆయుర్వేదిక్ హోమియోపతి మెడికల్ ప్రాక్టీషనర్స్ చట్ట సవరణ, ఏపీ మెడికల్ ప్రాక్టీషనర్స్ రిజిస్ట్రేషన్ చట్ట సవరణ బిల్లు-2024, ఏపీ సహకార సంఘం సవరణ బిల్లు-2024 బిల్లులకు శాసనసభ గ్రీన్ సిగ్నల్ ఇచ్చింది. అనంతరం స్పీకర్ అయ్యన్నపాత్రుడు శాసనసభను మంగళవారానికి వాయిదా వేశారు.