OG Movie| ఏపీ డిప్యూటీ సీఎం, పవర్ స్టార్ పవన్ కళ్యాణ్(Pawan Kalyan) ప్రస్తుతం రాజకీయాల్లో బిజీగా ఉన్న సంగతి తెలిసిందే. ఓవైపు రాజకీయాలు చేస్తూనే.. మరోవైపు ఇప్పటికే కమిట్ అయిన సినిమాలను కంప్లీట్ చేసే పనిలో ఉన్నారు. ఈ క్రమంలోనే ‘హరిహర వీరమల్లు’ చిత్రం షూటింగ్‌లో పాల్గొన్నారు. మరోవైపు సుజిత్ దర్శకత్వంలో తెరకెక్కుతన్న ఓజీ(OG) చిత్రం షూటింగ్‌లోనూ పాల్గొనేందుకు ట్రై చేస్తున్నారు. త్వరలోనే డేట్స్ కేటాయించనున్నారని తెలుస్తోంది. డీవీవీ ఎంటర్‌టైన్‌మెంట్(DVV Entertainment) బ్యానర్‌పై డీవీవీ దానయ్య నిర్మిస్తున్న ఈ చిత్రంలో ప్రియాంక అరుళ్ మోహన్(Priyanka Arul Mohan) హీరోయిన్‌గా నటిస్తుండగా.. అర్జున్ దాస్, శ్రియా రెడ్డి, ఇమ్రాన్ హష్మీ కీలక పాత్రలో కనిపించనున్నారు.
కాగా ఇప్పటికే ఈ సినిమా నుంచి విడుదలైన పోస్టర్స్, గ్లింప్స్ పవన్ అభిమానుల్లో భారీ అంచనాలు పెంచేశాయి. ఈ మూవీ షూటింగ్ త్వరలోనే కంప్లీట్ చేసుకుని విడుదల కోసం అభిమానులతో పాటు సినీ ప్రేక్షకులు కూడా ఆసక్తిగా ఎదురుచూస్తున్నారు. ఈ నేపథ్యంలో మూవీ మేకర్స్ ఓ ట్వీట్ చేసి సినిమాపై మరింత హైప్ క్రియేట్ చేశారు. దానయ్య కుమారుడు నిర్మాత దాసరి కళ్యాణ్‌కి పుట్టినరోజు శుభాకాంక్షలు చెబుతూ ఓ ట్వీట్ చేశారు. ‘‘ఈసారి మనం ‘ఓజీ’ కొట్టేది ఎట్టా ఉండాలంటే’’ అనే క్యాప్షన్ రాసుకొచ్చారు. దీంతో బాక్సాఫీసు బద్దలు అవడం ఖాయమని ఫ్యాన్స్ కామెంట్స్ చేస్తున్నారు.
