Bandi Sanjay| మహారాష్ట్ర(Maharashtra)ఎన్నికల ఫలితాల్లో ఇండియా కూటమి(India Alliance)కి పట్టిన గతే తెలంగాణలో కాంగ్రెస్ పార్టీకి పట్టబోతుందని కేంద్ర హోంశాఖ సహాయ మంత్రి బండి సంజయ్ (Bandi Sanjay) తెలిపారు. మహారాష్ట్రలో బీజేపీ విజయకేతనం ఎగరేసిందన్నారు. ఈసారి గతంలో కంటే ఎక్కవ సీట్లను కైవసం చేసుకోబోతోందన్నారు. బీజేపీ కూటమిపై ఇండియా కూటమి ఎన్ని అబద్ధాలు ప్రచారం చేసినా ప్రజలు నమ్మలేదని పేర్కొన్నారు.
కాంగ్రెస్ పార్టీతో ఎవరు పొత్తు పెట్టుకునా మునిగిపోవడం ఖాయమని ఎద్దేవా చేశారు. హిందుత్వానికి వ్యతిరేకంగా వ్యవహరించే పార్టీతో కుమ్మక్కు కావడం వల్ల ఉద్ధవ్ ఠాక్రే పార్టీ కూడా ఈ ఎన్నికల్లో తుడుచుకు పెట్టుకుపోయిందని విమర్శించారు. ఇక తెలంగాణ సీఎం రేవంత్‌రెడ్డి(CM Revanth Reddy) ప్రచారం చేసిన చోట కాంగ్రెస్ దారుణంగా ఓడిపోయిందని సెటైర్లు వేశారు. త్వరలో తెలంగాణలోనూ కాంగ్రెస్ పార్టీకి కూడా ఇదే గతి పట్టబోతోందని బండి జోస్యం చెప్పారు. కాగా మహారాష్ట్ర ఎన్నికల ఫలితాల్లో బీజేపీ నేతృత్వంలోని మహాయూతి కూటమి విజయదుంధుబి మోగిస్తోంది.
