స్టాఫ్ సెలక్షన్ కమిషన్ (SSC) కంబైన్డ్ గ్రాడ్యుయేట్ లెవెల్ (CGL) టైర్-2 పరీక్ష 2024, GD కానిస్టేబుల్ రిక్రూట్‌మెంట్ 2025 పరీక్ష తేదీలను బోర్డు ప్రకటించింది. వచ్చే ఏడాది ఫిబ్రవరిలో ఈ పరీక్షలు ప్రారంభమవుతాయని తెలిపింది. ఈ పరీక్షలు వచ్చే ఏడాది ఫిబ్రవరిలో 4, 5, 6, 7, 8, 9, 10, 11, 12, 13, 17, 18, 19, 20, 21, 24, 25 తేదీల్లో జరుగుతాయి.
బీఎస్‌ఎఫ్‌(BSF), సీఐఎస్‌ఎఫ్‌(CISF), సీఆర్‌పీఎఫ్‌(CRPF), ఐటీబీపీ(ITBP), ఎస్‌ఎస్‌బీ(SSB), ఎస్‌ఎస్‌ఎఫ్‌(SSF)లో కానిస్టేబుల్ (జనరల్ డ్యూటీ) పోస్టులు, అస్సాం రైఫిల్స్‌లో రైఫిల్‌మ్యాన్ (GD), ఎన్‌సీబీ(NCB)లో సిపాయి పోస్టులను ఈ పరీక్షల ద్వారా భర్తీ చేయనున్నారు. రాత పరీక్ష, ఫిజికల్ ఎఫిషియెన్సీ టెస్ట్, ఫిజికల్ స్టాండర్డ్ టెస్ట్, వైద్య పరీక్షలు, ధ్రువపత్రాల పరిశీలన, రిజర్వేషన్‌ తదితరాల ఆధారంగా వివిధ సాయుధ బలగాల్లో అభ్యర్థులను ఎంపిక చేస్తారు.
మొత్తం 39,481 ఖాళీలను భర్తీ చేయనున్నారు. ఈ పోస్టుల భర్తీకి 10వ తరగతి అర్హతతో ఇప్పటికే సెప్టెంబర్ 5 నుంచి అక్టోబర్ 14 వరరు దరఖాస్తులు స్వీకరించారు. అయితే ఈ దరఖాస్తుల్లో తప్పుల సమరణకు నవంబర్ 5, 6, 7 తేదీల్లో అవకాశం కల్పించారు. అభ్యర్థులు పూర్తి వివరాలకు https://ssc.gov.in/ వెబ్‌సైట్‌ సందర్శించవచ్చు.
విభాగాల వారీగా పోస్టుల ఖాళీలు..
BSF: 15654
CISF: 7145
CRPF: 11541
SSB: 819
ITBP: 3017
AR: 1248
SSF: 35
NCB: 22
