రవాణా, బీసీ సంక్షేమ శాఖ మంత్రి పొన్నం ప్రభాకర్ (Ponnam Prabhakar) నేడు కరీంనగర్, హనుమకొండ, సిద్ధిపేట జిల్లాల్లో పర్యటిస్తున్నారు. అందులో భాగంగా కరీంనగర్ పట్టణంలో వర్క్ షాప్ ఎదురుగా ఎస్ఎస్ ఎకో ఎలక్ట్రిక్ వెహికిల్ షోరూం ను ఆయన చేతులమీదుగా ప్రారంభించారు. ఈ సందర్భంగా మంత్రి మాట్లాడుతూ షోరూం ప్రతినిధులకు శుభాకాంక్షలు తెలిపారు. కాలుష్యాన్ని తగ్గించడానికి ప్రతి ఒక్కరూ ఎలక్ట్రిక్ వెహికల్ వైపు మొగ్గు చూపాలని పిలుపునిచ్చారు.
జిల్లాల పర్యటనలో ఉదయం 10:00 గంటలకు కరీంనగర్ జిల్లా హుజూరాబాద్ వ్యవసాయ మార్కెట్ నూతన కమిటీ ప్రమాణ స్వీకారంలో మంత్రి పొన్నం ప్రభాకర్ (Ponnam Prabhakar) పాల్గొన్నారు. మధ్యాహ్నం 12:00 గంటలకు హనుమకొండ జిల్లా కమలాపూర్ మార్కెట్ నూతన కమిటీ ప్రమాణ స్వీకార కార్యక్రమంలో పాల్గొంటారు. సాయంత్రం 4:00 గంటలకు సిద్దిపేట జిల్లా హుస్నాబాద్ పట్టణంలోని అంబేద్కర్ చౌరస్తా సమీపంలో ప్రజా పాలన – ప్రజా విజయోత్సవాలు కార్యక్రమంలో మంత్రి పాల్గొననున్నారు.
