ShriTej| సినీ నటుడు శ్రీతేజ్‌పై పోలీసు కేసు నమోదైంది. పెళ్లి చేసుకుంటానని మోసం చేశాడంటూ ఓ యువతి గచ్చిబౌలి పోలీసుకు ఫిర్యాదు చేసింది. యువతి ఫిర్యాదు మేరకు పోలీసులు అతడిపై కేసు నమోదు చేశారు. కేసు నమోదుతో శ్రీతేజ్ పరారీలో ఉన్నాడు. అతడి కోసం పోలీసులు ముమ్మరంగా గాలిస్తున్నారు.
- Advertisement -
కాగా గతంలోనూ శ్రీతేజ్‌పై కేసు నమోదైంది. ఓ మహిళతో వివాహేతర సంబంధం కొనసాగిస్తుండగా.. విషయం తెలుసుకున్న ఆ మహిళ భర్త గుండెపోటుతో స్పాట్‌లోనే మృతి చెందాడు. దీంతో కుటుంబసభ్యుల ఫిర్యాదు మేరకు శ్రీతేజ్‌పై మాదాపూర్ పోలీసు స్టేషన్‌లో నమోదైన కేసులో విచారణ జరుగుతోంది.
ఇదిలా ఉంటే వివాదాస్పద దర్శకుడు రామ్ గోపాల్ వర్మ దర్శకత్వం వహించిన ‘లక్ష్మీస్ ఎన్టీఆర్’ చిత్రంలో ఏపీ సీఎం చంద్రబాబు పాత్రలో నటించాడు. అలాగే గతేడాది వచ్చిన ‘మంగళవారం’ చిత్రంలోనూ కీలక పాత్ర పోషించాడు.
