Priyanaka Gandhi| పార్లమెంట్ శీతాకాల సమావేశాల్లో భాగంగా కాంగ్రెస్ అగ్రనాయకురాలు ప్రియాంక గాంధీ తొలిసారి ఎంపీ హోదాలో పార్లమెంట్‌లో అడుగుపెట్టారు. లోక్ సభ స్పీకర్ ఓం బిర్లా ఆమె చేత ఎంపీగా ప్రమాణ స్వీకారం చేయించారు. ఈ సందర్భంగా ఆమె భారత రాజ్యాంగం పుస్తకం చేత పట్టుకుని పార్లమెంట్ సభ్యురాలిగా ప్రమాణం చేశారు.
- Advertisement -
కేరళ సంప్రదాయాన్ని ప్రతిబింబించే ఆహార్యంలో ఆమె సభకు వచ్చారు. ప్రియాంక వెంట సోదరుడు, లోక్‌సభ పక్ష నేత రాహుల్ గాంధీ, ఇతర కాంగ్రెస్ నేతలు ఉన్నారు. కాగా కేరళ రాష్ట్రంలోని వయనాడ్ ఎంపీ స్థానానికి ఇటీవల ఉప ఎన్నిక జరిగిన సంగత తెలిసిందే. ఈ ఉప ఎన్నికల్లో కాంగ్రెస్ అభ్యర్థిగా పోటీ చేసిన ప్రియాంక గాంధీ 4లక్షలకు పైగా భారీ మెజార్టీతో విజయ దుంధుబి మోగించారు.
