Daaku Maharaaj: నట సింహం నందమూరి బాలకృష్ణ(Nandamuri Balakrishna) హీరోగా, దర్శకుడు బాబీ కలయికలో తెరకెక్కుతోన్న చిత్రం ‘డాకు మహారాజ్’ (Daaku Maharaaj). సితార ఎంటర్‌టైన్‌మెంట్స్‌ బ్యానర్‌పై నాగవంశీ నిర్మిస్తున్న ఈ చిత్రంలో శ్రద్ధా శ్రీనాథ్, ప్రగ్యా జైస్వాల్‌ హీరోయిన్లగా నటిస్తుండగా.. బాబీ డియోల్, చాందిని చౌదరి ముఖ్య పాత్రలు పోషిస్తున్నారు. ఇప్పటికే ఈ సినిమా నుంచి విడుదలైన పోస్టర్లు, టీజర్లు అభిమానులను ఆకట్టుకున్నాయి.
తాజాగా ఈ సినిమా నుంచి తొలి పాట ప్రోమో (Daaku Maharaaj Fisrt Song Promo) మేకర్స్ విడుదల చేశారు. ‘డేగ డేగ’ అంటూ సాగే ఈ పాటకు ప్రముఖ గీత రచయిత అనంత్‌ శ్రీరామ్‌ లిరిక్స్‌ అందించగా.. గాయకుడు నాకాశ్‌ అజీజ్‌ అలపించారు. ప్రముఖ సంగీత దర్శకుడు థమన్‌ సంగీతం అందించారు. పూర్తి పాటను రేపు రిలీజ్ చేస్తామని ప్రకటించారు. కాగా సంక్రాంతి కానుకగా జనవరి 12న ఈ సినిమా విడుదల కానుంది.
