Pushpa 2: ఐకాన్ స్టార్ అల్లు అర్జున్ (Allu Arjun) హీరోగా, క్రియేటివ్ డైరెక్టర్ సుకుమార్‌ (Sukumar) తెరకెక్కించిన చిత్రం ‘పుష్ప 2 ది రూల్‌’ (Pushpa 2 The Rule). భారీ అంచనాల మధ్య డిసెంబర్‌ 5న విడుదలైన ఈ చిత్రం తొలి ఆట నుంచే సూపర్ హిట్ టాక్‌తో దూసుకుపోతోంది. దీంతో బాక్సాఫీస్ వద్ద కాసుల వర్షం కురుస్తోంది. అద్భుతమైన నటనతో బన్నీ, రష్మిక మందన్నా(Rashmika Mandanna) , ఫహాద్ పాజిల్ అభిమానులకు కట్టిపడేశారు.
తాజాగా మూవీ నుంచి ‘పీలింగ్స్’ (Peelings) ఫుల్ వీడియో సాంగ్‌ను మేకర్స్ రిలీజ్ చేశారు. ప్రస్తుతం ఈ పాట యూట్యూబ్‌లో దూసుకుపోతుంది. ఈ పాట మలయాళం లిరిక్స్‌తో ప్రారంభం కావడం విశేషం. ప్రముఖ గీత రచయిత చంద్రబోస్ సాహిత్యం అందించిన ఈ పాటను లక్ష్మీ దాస, శంకర్ బాబు కందుకూరి పాడారు. రాక్ స్టార్ దేవిశ్రీ ప్రసాద్ సంగీతం అందించిన ఈ పాటలో అల్లు అర్జున్, రష్మిక డ్యాన్స్ అదిరిపోయింది. ఇదిలా ఉంటే ఈ మూవీ కేవలం 10 రోజుల్లోనే రూ.1292కోట్లు వసూలు చేసి ఇండియన్ బాక్సాఫీస్ వద్ద సరికొత్త చరిత్ర లిఖించింది.
