Game Changer| గ్లోబ‌ల్ స్టార్‌ రామ్ చరణ్(Ram Charan), దిగ్గజ ద‌ర్శ‌కుడు శంక‌ర్(Shankar) కాంబినేష‌న్‌లో వ‌స్తున్న కొత్త చిత్రం ‘గేమ్ ఛేంజర్’. ఇప్పటికే ఈ మూవీ నుంచి విడుద‌లైన పాటలు, టీజర్ మూవీపై భారీగా అంచనాలు పెంచేశాయి. తాజాగా మరో పాట ప్రోమోను మేకర్స్ విడుదల చేశారు. ‘ధోప్’ అంటూ సాగే ఈ సాంగ్‌ను డిసెంబర్ 21న USA లో విడుదల చేయనుండగా.. డిసెంబర్ 22న తెలుగులో రిలీజ్ చేస్తున్నట్లు అనౌన్స్ చేశారు. ఈ ప్రోమోలో చెర్రీ, కియారాల డ్యాన్స్ ఆకట్టుకుంటోంది.
ఇప్పటివరకు మూవీ నుంచి వచ్చిన ‘జ‌ర‌గండి’, ‘రా మ‌చ్చా’, ‘నానా హైరానా’ పాటలు ఆడియన్స్‌ని మెప్పించగా ఇప్పుడు ఈ పాట ఏ రేంజ్‌లో ఆకట్టుకుంటుందో చూడాలి. ప్రముఖ నిర్మాణ సంస్థ శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై దిల్ రాజు ఈ సినిమాను భారీ బడ్జెట్‌తో నిర్మించారు. ఎస్ఎస్ థ‌మ‌న్ బాణీలు అందించిన ఈ మూవీలో అంజలి, సునీల్, సముద్రఖని, ఎస్‌జే సూర్య, నవీన్ చంద్ర త‌దిత‌రులు కీలక పాత్రల్లో న‌టించారు. కాగా ఈ చిత్రం సంక్రాంతి కానుక‌గా 2025 జనవరి 10న ప్రేక్ష‌కుల ముందుకు రానుంది. ఈ సినిమా కోసం మెగా అభిమానులు ఎంతో ఆస‌క్తిగా ఎదురుచూస్తున్నారు.
