ఉమెన్స్ అండర్-19 ఆసియా కప్‌లో(U19 womens Asia Cup) టీమిండియా(Team India) సంచలనం సృష్టించింది. కౌలాలంపూర్‌ వేదికగా బంగ్లాదేశ్‌(Bangladesh) జట్టుతో జరిగిన ఫైనల్ మ్యాచులో భారత మహిళల జట్టు అద్భుతం సృష్టించింది. ఈ మ్యాచులో తొలుత టాస్ గెలిచిన బంగ్లా జట్టు బౌలింగ్ ఎంచుకుంది. దీంతో బ్యాటింగ్‌కు దిగిన భారత అమ్మాయిలు నిర్ణీత 20 ఓవర్లలో 117/7 పరుగులు చేశారు.
అనంతరం 118 పరుగుల స్వల్ప లక్ష్యంతో బరిలో దిగిన బంగ్గాదేశ్ కేవలం 76 పరుగులకే ఆలౌట్ అయింది. దీంతో భారత్ 41 పరుగుల తేడాతో ఘన విజయం సాధించి కప్పు ఎగరేసుకుపోయింది. భారత బౌలర్లలో ఆయుషి శుక్లా 3, సోనమ్ యాదవ్ , పరుణిక సోసోడియా చెరో 2 వికెట్లు, జోషిత ఇక వికెట్ పడగొట్టి భారత జట్టు విజయంలో కీలక పాత్ర పోషించారు. కాగా ఉమెన్స్ విభాగంలో ఆసియా కప్ అండర్ 19 టోర్నీలో కప్ గెలిచిన తొలి జట్టుగా టీమిండియా రికార్డు నెలకొల్పింది.
