సైబర్ మోసాలను(Cyber Frauds) అరికట్టేందుకు ప్రముఖ ఇన్స్టంట్ మెసేజింగ్ యాప్ వాట్సప్(Whatsapp) కీలక నిర్ణయం తీసుకుంది. యూజర్లకు సెక్యూరిటీ విషయంలో ఇబ్బందులు తలెత్తకుండా చర్యలు తీసుకుంటోంది. ఈ నేపథ్యంలో జనవరి 1 నుంచి పాత ఫోన్లలో తమ సేవలను నిలిపివేస్తున్నామని ప్రకటించింది. దాదాపు 9-10 ఏళ్ల క్రితం తీసుకొచ్చిన ఆండ్రాయిడ్‌ కిట్‌క్యాట్‌(Android KitKat) ఓఎస్‌తో పనిచేస్తున్న ఫోన్లలో తమ సేవలను ఆపివేస్తున్నామని పేర్కొంది. అలాగే ఐఓఎస్‌(IOS) 15.1, అంతకంటే పాత వెర్షన్లు వాడుతున్న ఐఫోన్లకూ తన సపోర్ట్‌ నిలిపివేస్తున్నట్లు తెలిపింది.
వాట్సప్ సేవలు నిలిచిపోనున్న ఫోన్లు ఇవే..
శాంసంగ్‌ గెలాక్సీ ఎస్‌3, మోటో జీ, HTC వన్‌ఎక్స్‌, HTCవన్‌ ఎక్స్‌+, HTC డిజైర్‌ 500, HTC డిజైర్‌ 601, శాంసంగ్‌ గెలాక్సీ నోట్‌2, శాంసంగ్‌ గెలాక్సీ ఎస్‌4 మినీ, మోటో రేజర్‌ హెచ్‌డీ, మోటో ఈ 2014, LG ఆప్టిమస్‌ జీ, LG నెక్సస్‌ 4, LG జీ2 మినీ, LG ఎల్‌ 90, సోనీ ఎక్స్‌పీరియా జడ్‌, సోనీ ఎక్స్‌పీరియా ఎస్పీ, సోనీ ఎక్స్‌పీరియా టీ, సోనీ ఎక్స్‌పీరియా వి తదితర ఫోన్లు ఉన్నాయి. దీంతో ఈ ఫోన్లు ఇప్పటికీ వాడుతున్న వారు వాట్సప్ సేవలు కావాలనుకుంటే జనవరి 1 నుంచి కొత్త ఫోన్లు వాడక తప్పదు.
