తిరుమల(Tirumala) శ్రీవారి భక్తులకు టీటీడీ(TTD) త్వరలోనే శుభవార్త అందించనుంది. ఆర్టిఫిషియల్ ఇంటలిజెన్స్(AI) సేవలను వాడుకునేందుకు టీటీడీ బోర్దు సిద్ధమైంది. కేవలం రెండు గంటల్లోనే స్వామివారి దర్శనం కల్పించే దిశగా చర్యలు తీసుకుంటుంది. ఈ క్రమంలోనే ఫేస్ రికగ్నిషన్ ఎంట్రీపై పాలకమండలి సభ్యులకు బెంగళూరుకు చెందిన సీట్రూ అండ్ ఏషియా అనే కంపెనీ టీటీడీ చైర్మన్ కార్యాలయంలో డెమో ఇవ్వడం జరిగింది.
- Advertisement -
తొలుత కియోస్కూలో ఫేస్‌తో టోకెన్ జారీ, ఫేషియల్ రికగ్నేషన్, బారియర్ గేట్ వద్ద నిలబడితే గేటు తెర్చుకోవడం తదితర అంశాలపై వివరణ ఇచ్చింది. ఈ కార్యక్రమానికి టీటీడీ ఛైర్మన్ బీఆర్ నాయుడుతో పాటు కొంతమంది సభ్యులు హాజరయ్యారు. ఏఐ టెక్నాలజీ ద్వారా రెండు గంటలలో స్వామివారి దర్శనం చేసుకోవడంపై గత బోర్డు సమావేశంలో తీర్మానం చేసింది.
