దుబాయ్ వేదికగా జరుగుతున్న 24H దుబాయ్ కారు రేసింగ్‌లో ‘అజిత్ కుమార్ రేసింగ్’ టీమ్ విజయం సాధించిన సంగతి తెలిసిందే. హోరాహోరీగా జరిగిన ఈ పోటీల్లో అజిత్(Ajith) టీమ్ మూడో స్థానాన్ని కైవసం చేసుకుంది. ఇందుకు సంబంధించిన ఫొటోలు ప్రస్తుతం నెట్టింట వైరల్‌గా మారాయి. దీంతో అభిమానులు, నెటిజన్లు అజిత్‌కు అభినందనలు తెలియజేస్తున్నారు. తాజాగా అజిత్‌పై బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్(KTR) ప్రశంసలు కురిపించారు. ఈ మేరకు ఎక్స్ వేదికగా పోస్టు పెట్టారు. రేసింగ్ మీద ఆయనకున్న ఫ్యాషనే విజయానికి చేరువ చేసిందని అన్నారు. ఎంతో మందికి అజిత్ ఆదర్శనం అని కొనియాడారు.
ఇక అజిత్ సినిమాల విషయానికొస్తే.. ప్రస్తుతం ‘విదా ముయార్చి’మూవీలో నటిస్తున్నారు. మాగిజ్‌ తిరుమేని దర్శకత్వం వహిస్తోన్న ఈ సినిమాలో అజిత్ సరసన సీనియర్ హీరోయిన్ త్రిష నటిస్తున్నారు. రాక్ స్టార్ దేవిశ్రీ ప్రసాద్‌ సంగీతం అందిస్తున్నారు. ఈ సినిమాతో పాటు ‘గుడ్‌ బ్యాడ్‌ అగ్లీ’ అనే మరో సినిమాలోనూ అజిత్ నటిస్తున్నారు. దీనికి అధిక్‌ రవిచంద్రన్‌ దర్శకత్వం వహిస్తుండగా.. మైత్రీ మూవీ మేకర్స్ సంస్థ నిర్మిస్తోంది.
