PM Modi: అమెరికాలో విమాన ప్రమాదంపై ప్రధాని మోదీ దిగ్భ్రాంతి

అమెరికాలో ఘోర విమాన ప్రమాదం జరిగిన సంగతి తెలిసిందే. వాషింగ్టన్‌ డీసీ సమీపంలో ప్రయాణికులతో వెళ్తున్న విమానం, ఆర్మీ హెలికాప్టర్‌(Plane-Helicopter Crash) ఢీకొట్టడంతో నదిలో పడిపోయాయి. ఈ ఘటనలో 67 మంది ప్రాణాలు కోల్పోయారు. తాజాగా ఈ ఘటనపై భారత ప్రధాని నరేంద్ర మోదీ (PM Modi) తీవ్ర దిగ్భ్రాంతి వ్యక్తంచేశారు. ఈమేరకు ఎక్స్ వేదికగా ట్వీట్ చేశారు.

‘వాషింగ్టన్ డీసీలో జరిగిన ఘోర ప్రమాదంలో చాలా మంది ప్రాణాలు కోల్పోవడం నన్ను ఎంతో బాధించింది. మృతులకు నా ప్రగాఢ సంతాపం తెలియజేస్తున్నాను. అమెరికా ప్రజలకు సంఘీభావంగా నిలబడతాం’ అని తెలిపారు.