శ్రీశైలం(Srisailam)లో శుక్రవారం నిర్వహించిన హుండీ లెక్కింపు కార్యక్రమంలో రూ.2.59 కోట్ల ఆదాయం సమకూరింది. ఈనెల 9 నుంచి 30 తేదీ వరకు 22 రోజులకు సంబంధించిన హుండీ లెక్కింపులో నగదుతో పాటు 64 గ్రాముల బంగారం, 3.170 కేజీల వెండి, వివిధ దేశాలకు చెందిన విదేశీ కరెన్సీ కూడా మల్లన్న ఆలయానికి ఆదాయం సమకూరింది. సీసీ కెమెరాల నిఘా మధ్యన హుండీ లెక్కింపు చేపట్టినట్లు ఈవో శ్రీనివాసరావు తెలిపారు.
- Advertisement -
మరోవైపు శ్రీ భ్రమరాంబ సమేత మల్లికార్జున స్వామి అమ్మవార్లను ‘సంక్రాంతికి వస్తున్నాం’ మూవీ హీరోయిన్ మీనాక్షి చౌదరి దర్శించుకున్నార. వీఐపీ బ్రేక్ సమయంలో స్వామి, అమ్మవార్లను దర్శించుకుని ప్రత్యేక పూజలు నిర్వహించారు. దర్శనం అనంతరం వేదపండితులు శాస్త్రోక్తంగా ఆశీర్వాదాలు ఇచ్చిన తీర్థప్రసాదాలను అందించారు.
