హీరో వెంకటేష్(Venkatesh), రానా దగ్గుబాటి(Rana Daggubati) కలిసి నటించిన వెబ్‌సిరీస్ ‘రానా నాయుడు’(Rana Naidu). ఈ సిరీస్ ఓటీటీ హక్కులను ప్రముఖ సంస్థ నెట్‌ఫ్లిక్స్ సొంతం చేసుకున్న సంగతి తెలిసిందే. తెలుగు, తమిళ, హిందీ, కన్నడ, మలయాళ భాషల్లో స్ట్రీమింగ్ అయిన ఈ సిరీస్‌లో వెంకీ, రానా తండ్రీ కొడుకులుగా నటించారు. అయితే ఇందులోని పలు సీన్స్ మరీ బోల్డ్‌గా ఉన్నాయంటూ దారుణమైన ట్రోల్స్ ఎదుర్కొంది. అయినా కానీ నెట్‌ఫ్లిక్స్‌లో దుమ్మురేపింది.
- Advertisement -
దీనికి కొనసాగింపుగా సీజన్-2 రాబోతున్నట్లు ప్రకటించిన మేకర్స్ తాజాగా ‘రానా నాయుడు-2’ టీజర్‌ను రిలీజ్ చేసి సర్‌ప్రైజ్ ఇచ్చారు. కరణ్ అన్షుమన్(Karan Anshuman) దర్శకత్వంలో తెరకెక్కుతోన్న ఈ సిరీస్‌లో విలన్‌గా బాలీవుడ్ నటుడు అర్జున్ రాంపాల్(Arjun Rampal) నటిస్తున్నాడు. త్వరలోనే సిరీస్‌ని స్ట్రీమింగ్ చేయనున్నట్లు ప్రకటించారు.
