రౌడీ బాయ్ విజయ్ దేవరకొండ(Vijay Deverakonda) ఇటీవల నటించిన సినిమాలు ఫ్లాప్‌లు అవుతున్న సంగతి తెలిసిందే. దీంతో సాలిడ్ హిట్ కోసం ఎదురుచూస్తున్నాడు. ఈ క్రమంలోనే జెర్సీ డైరెక్టర్ గౌతమ్ తిన్ననూరి దర్శకత్వంలో ఓ సినిమా చేస్తున్నాడు. సితార ఎంటర్టైన్మెంట్స్ బ్యానర్‌పై నాగవంశీ ఈ మూవీని నిర్మిస్తున్నాడు. ఈ సినిమా కోసం విజయ్ దేవరకొండ గుండె చేయించుకుని తన లుక్‌ను పూర్తిగా మార్చేశాడు. VD12 వర్కింగ్ టైటిల్‌తో తెరకెక్కుతున్న ఈ సినిమా టీజర్‌ను తాజాగా మేకర్స్ విడుదల చేశారు. ఈ మూవీకి ‘కింగ్‌డమ్’ అనే టైటిల్ ఖరారు చేసినట్లు టీజర్‌లో ప్రకటించారు.
ఈ టీజర్‌ని తెలుగుతో పాటు తమిళ్, హిందీ భాషల్లో రిలీజ్ చేశారు. ఒక్కో భాషలో ఒక్కో స్టార్ హీరో దీనికి వాయిస్ ఓవర్ ఇవ్వడం విశేషం. తమిళ్ టీజర్‌కు సూర్య, హిందీ టీజర్‌కు రణబీర్ కపూర్ వాయిస్ ఇచ్చారు. తెలుగులో ఎన్టీఆర్ (NTR) వాయిస్ ఓవర్‌తో రూపొందించిన టీజర్ సినిమాపై మరిన్ని అంచనాలు పెంచేసింది. కాగా ఈ సినిమాను ఈ ఏడాది మే 30న విడుదల చేస్తున్నట్లు ప్రకటించారు.
