విదేశాల్లో డిమాండ్ తగ్గడంతో మిర్చికి గిట్టుబాటు ధర తగ్గిన సంగతి తెలిసిందే. దీంతో రైతులు(Chilli farmers) తీవ్ర ఇబ్బందులు పడుతున్నారు. ఈ నేపథ్యంలో మిర్చి రైతుల ఇబ్బందులపై ఇటీవల ఏపీ సీఎం చంద్రబాబు(Chandrababu) కేంద్ర ప్రభుత్వానికి లేఖ రాసిన సంగతి తెలిసిందే. అలాగే కేంద్ర వ్యవసాయశాఖ మంత్రి శివరాజ్‌సింగ్‌ చౌహాన్‌తోనూ భేటీ అయ్యారు. చంద్రబాబు ప్రయత్నాలు ఎట్టకేలకు ఫలించాయి.
- Advertisement -
క్వింటా మిర్చికి రూ.11,781 ధర ఇవ్వాలని కేంద్రం ఉత్తర్వులు జారీ చేసింది. కేంద్రం మార్కెట్ ఇంటర్వెన్షన్ స్కీం కింద ఈమేరకు మిర్చికి ధరను ప్రకటించింది. ఈ ధరను కేంద్రం, రాష్ట్ర ప్రభుత్వం చెరో సగం భరించనున్నాయి. ఏపీ నుంచి 2.58లక్షల మెట్రిక్‌ టన్నుల మిర్చి సేకరణకు అవకాశం కల్పించింది. నెల రోజుల పాటు ఈ ఉత్తర్వులు అమల్లో ఉండనున్నాయి.
