ఎన్టీఆర్ బావమరిది నార్నె నితిన్, సంగీత్ శోభన్, రామ్ నితిన్ ప్రధాన పాత్రల్లో 2023లో విడుదలైన ‘మ్యాడ్’ మూవీ ప్రేక్షకులను విపరీతంగా ఆకట్టుకున్న సంగతి తెలిసిందే. ఈ మూవీకి సీక్వెల్‌గా ‘మ్యాడ్ స్క్వేర్'(MAD Square) రూపొందిస్తున్నారు మేకర్స్. ఇప్పటికే విడుదలైన పోస్టర్లు, పాటలు ఆకట్టుకున్నాయి. తాజాగా మూవీ టీజర్‌ను విడుదల చేశారు.
ఈ టీజర్‌లో కామెడీ సన్నివేశాలు అదిరిపోయాయి. మరోసారి డైరెక్టర్ కళ్యాణ్ శంకర్ తన మ్యాజిక్ రిపీట్ చేసినట్లు అనిపిస్తుంది. సినిమాలో కీలక పాత్ర అయిన లడ్డూ పెళ్లికి ఫ్రెండ్స్ రావడం, తర్వాత గోవా వెళ్లడం అన్ని ఫన్నీగా ఉన్నాయి. మొత్తానికి టీజర్ మాత్రం సినిమాపై మరింత అంచనాలు పెంచేసింది.
భీమ్స్ సిసిరోలియో సంగీతం అందిస్తున్న ఈ మూవీని సితార ఎంటర్ టైన్‌మెంట్స్, ఫార్చూన్ ఫోర్ సినిమాస్, శ్రీకర స్టూడియోస్ బ్యానర్స్‌పై నాగవంశీ నిర్మిస్తున్నారు. కళ్యాణ్ శంకర్ ఈ చిత్రానికి దర్శకత్వం వహించారు. మార్చి 29న ప్రేక్షకుల ముందుకు తీసుకురానున్నట్లు ప్రకటించారు.
