ఇప్పుడు క్యాస్ట్(Caste), ఇన్కమ్(Income) సర్టిఫికెట్లు లేకుంటే ఏ పనులు చేసుకోలేం. పాఠశాల, కళాశాలలో ప్రవేశాలకు ఈ ధ్రువపత్రాలే కావాలి. ఉద్యోగాలకు ఈ సర్టిఫికేట్స్ కావాలి. మరే ఇతర సంక్షేమ పథకాలు పొందాలన్నా ఈ పత్రాలే అవసరం. అంతా ప్రాధాన్యం ఉన్న క్యాస్ట్, ఇన్కమ్ సర్టిఫికేట్స్ కోసం సచివాలయాలు, మీ సేవలు చుట్టూ కాళ్లు అరిగిలే తిరుగుతుంటాం. ఇప్పుడు ఆ అవసరం లేదు. కేవలం ఈ నెంబర్ ఉంటే చాలు ఎన్ని సార్లు అయిన ఈజీగా తీసుకోవచ్చు.
సమయం వృథా చేసుకోకుండా ఇలా చేయండి
మీ-సేవ కేంద్రాల ద్వారా పొందిన ఆదాయ, కుల ధ్రువపత్రాలు ఒక్కోసారి రెండో దఫా కూడా అవసరం అవుతాయి. ఆ టైంలో తిరిగి దరఖాస్తు చేయాల్సిన అవసరం లేకుండానే 5 నిమిషాల్లోనే పొందవచ్చు. ఈ విషయం తెలియని చాలా మంది మళ్లీ మళ్లీ మీ-సేవ కేంద్రాల్లో దరఖాస్తులు చేసుకుంటూ, ప్రభుత్వ కార్యాలయాల చుట్టూ తిరుగుతూ విలువైన టైం వృథా చేసుకుంటున్నారు. అలాంటి సమస్యలను అధిగమించేందుకు పరిష్కార మార్గాలు చూపించారు మీ-సేవ ఉన్నత అధికారులు. ఒకసారి పొందిన పత్రాలను సంవత్సరం లోపు ఎన్ని సార్లైనా రుసుం చెల్లించి తీసుకొనే వెసులుబాటును కల్పించారు.
ఎలా తీసుకోవాలంటే?
మెుదట తీసుకున్న ఆదాయ, కుల ధ్రువపత్రాలకు సంబంధించిన రసీదుపై అప్లికేషన్‌ నంబర్ ఉంటుంది. రెండో సారి అదే ధ్రువపత్రం అవసరం అయినప్పుడు మీ-సేవ కేంద్రానికి వెళ్లి అప్లికేషన్‌ లేదా ఆధార్‌ నంబర్ ఎంటర్‌ చేయగానే గతంలో పొందిన ధ్రువపత్రాల సమాచారం కంప్యూటర్లో కనిసిస్తాయి. అప్పుడు చిరునామా, సెల్ఫోన్ నంబర్ నమోదు చేసి రూ.35 చెల్లిస్తే సరిపోతుంది. చిటికెలో ఆదాయ, కుల ధ్రువపత్రం మన చేతికి వచ్చేస్తుంది. సమయం ఆదా అవుతుంది. మరేందుకు ఆలస్యం మీరు కూడా ఇలా చేసి త్వరగా మీ సర్టిఫికేట్స్ తీసుకోండి.
