ఎండలు దంచికొడుతుండటంతో విద్యార్థులకు తెలంగాణ ప్రభుత్వం శుభవార్త అందించింది. విద్యార్థుల ఆరోగ్యాన్ని దృష్టిలో పెట్టుకుని మార్చి 15 నుంచి ఒంటిపూట బడులు(Off day schools) నిర్వహించాలని ఆదేశాలు జారీ చేసింది. దీంతో ప్రభుత్వ, ఎయిడెడ్, ప్రైవేటు పాఠశాలల్లో ఉదయం 8 గంటల నుంచి మధ్యాహ్నం 12.30 గంటల వరకు బడులు నిర్వహిస్తారు. అయితే 10వ తరగతి పరీక్షా కేంద్రాలుగా ఉన్న పాఠశాలల్లో మాత్రం మధ్యాహ్నం పూట క్లాసులు నిర్వహించనున్నారు.
- Advertisement -
అనంతరం అన్ని స్కూళ్లలో పరీక్షలు నిర్వహించిన తర్వాత ఏప్రిల్ 23 నుంచి వేసవి సెలవులు(Summer holidays) ప్రకటించనున్నారు. కాగా రోజురోజుకు ఉష్ణోగ్రతలు పెరుగుతుండటంతో ఒంటిపూట బడులు నిర్వహించాలని విద్యార్థుల తల్లిదండ్రుల నుంచి డిమాండ్లు వస్తున్నాయి. ఈ నేపథ్యంలో ప్రభుత్వం ఈమేరకు నిర్ణయం తీసుకుంది.
