Gold: నెల్లూరు జిల్లాలో భారీగా బంగారం పట్టివేత

ఏపీలోని శ్రీ పొట్టి శ్రీరాములు నెల్లూరు జిల్లా వెంకటాచలం టోల్‌గేట్‌ వద్ద భారీగా బంగారాన్ని(Gold) పోలీసులు పట్టుకున్నారు. సుమారు రూ.3.38 కోట్ల విలువైన 4.2 కిలోల బంగారం స్వాధీనం చేసుకున్నారు. సరైన బిల్లులు లేకుండా చెన్నై నుంచి నెల్లూరులోని ఓ దుకాణానికి బంగారం తరలిస్తుండగా పట్టుకున్నట్లు పోలీసులు తెలిపారు. ఈ సందర్భంగా బంగారం తరలిస్తున్న వ్యక్తులను అదుపులోకి తీసుకోవడంతో పాటు కారును సీజ్ చేసినట్లు వెల్లడించారు.