తెలంగాణ అసెంబ్లీ స్పీకర్ ప్రసాద్‌కుమార్‌(Prasad Kumar) అధ్యక్షతన జరిగిన బీఏసీ (BAC) సమావేశం ముగిసింది. స్పీకర్ ఛాంబర్‌లో జరిగిన ఈ సమావేశానికి సీఎం రేవంత్ రెడ్డి( Revanth Reddy)తో పాటు మంత్రులు, ఎమ్మెల్యేలు, బీఆర్ఎస్ ఎమ్మెల్యేలు హరీశ్ రావు (Harish Rao), వేముల ప్రశాంత్ రెడ్డి హాజరయ్యారు. ఈ నెల 27 వరకు బడ్జెట్‌ సమావేశాలను నిర్వహించాలని ఏకగ్రీవంగా నిర్ణయం తీసుకున్నారు.
- Advertisement -
ఈనెల 13న గవర్నర్ ప్రసంగానికి ధన్యవాదాలు తెలిపే తీర్మానంపై చర్చ కొనసాగనుంది. 14న హోలీ సందర్భంగా అసెంబ్లీకి సెలవు ప్రకటించారు. ఇక మార్చి 19న ఆర్థిక శాఖ మంత్రి మల్లు భట్టి విక్రమార్క సభలో వార్షిక బడ్జెట్‌ను ప్రవేశపెట్టనున్నారు. ఈ నెల 21 నుంచి 26 వరకు బడ్జెట్‌పై సభలో వాడీవేడి చర్చ జరగనుంది. కాగా రూ.3.20 లక్షల కోట్లతో రాష్ట్ర వార్షిక బడ్జెట్‌ను ప్రవేశపెట్టనున్నట్లు తెలుస్తోంది.
