మెగాస్టార్ చిరంజీవికి (Chiranjeevi) మరో అరుదైన గౌరవం దక్కింది. యూకే ప్రభుత్వం ఆయనకు లైఫ్‌టైమ్ అచీవ్‌మెంట్ అవార్డును(Lifetime Achievement Award) ప్రకటించింది. నాలుగు దశాబ్దాలకు పైగా సినిమా రంగానికి ఆయన అందిస్తున్న విశేషమైన సేవలకు గుర్తింపుగా ఈ ప్రతిష్టాత్మకమైన అవార్డును ప్రకటించింది. ఈ నెల 19న యూకే పార్లమెంట్‌లో చిరంజీవికి ఈ పురస్కారం ప్రదానం చేయనున్నారు. ఈ విషయం తెలుసుకున్న పలువురు ప్రముఖులు, అభిమానులు, నెటిజన్లు సోషల్‌మీడియా వేదికగా చిరంజీవికి శుభాకాంక్షలు చెబుతున్నారు.
- Advertisement -
ఇక చిరు సినిమాల విషయానికొస్తే ప్రస్తుతం ‘విశ్వంభర’ సినిమాలో నటిస్తున్నారు. సోషియో ఫాంటసీ మూవీగా తెరకెక్కుతున్న ఈ మూవీ షూటింగ్ చివరి దశకు చేరుకుంది. ఈ సినిమాతో పాటు ‘దసరా’ మూవీ డైరెక్టర్ శ్రీకాంత్ ఓదెలతోనూ, బ్లాక్ బాస్టర్ డైరెక్టర్ అనిల్ రావిపూడితో సినిమాలకు కమిట్ అయ్యారు.