గ్లోబ‌ల్ స్టార్ రామ్ చరణ్(Ram Charan) అభిమానులకు క్రేజీ న్యూస్. ఉప్పెన ద‌ర్శ‌కుడు బుచ్చిబాబు సానా దర్శకత్వంలో తెర‌కెక్కుతున్న ‘RC 16’ నుంచి అదిరిపోయే అప్‌డేట్ వచ్చింది. గురువారం చరణ్ పుట్టిన‌రోజు సంద‌ర్భంగా ఈ సినిమా ఫ‌స్ట్‌లుక్ ఉద‌యం 9.09 గంట‌ల‌కు విడుద‌ల చేయ‌నున్న‌ట్లు మేకర్స్ ప్ర‌క‌టించారు. ఈ మేర‌కు “యుద్ధంలో నిర్భయుడు.. మనస్సులో కనికరం లేనివాడు. రేపు ఉద‌యం 9.09 గంట‌ల‌కు క‌లుద్దాం” అంటూ ట్వీట్ చేశారు.
ఈ మూవీ స్పోర్ట్స్ బ్యాక్డ్రాప్లో రూరల్ కంటెంట్‌తో రాబోతుంది. ఇప్పటికే పలు కీలక షెడ్యూల్స్ కంప్లీట్ చేసుకుంది. ఇక ఈ చిత్రంలో చరణ్ స‌ర‌స‌న క‌థానాయిక‌గా బాలీవుడ్ బ్యూటీ జాన్వీ క‌పూర్ న‌టిస్తుండగా.. కన్నడ సీనియర్ హీరో శివ‌రాజ్ కుమార్, బాలీవుడ్ న‌టుడు దివ్యేందు, జ‌గ‌ప‌తి బాబు త‌దిత‌రులు ఇత‌ర కీలక పాత్ర‌ల్లో క‌నిపించ‌నున్నారు. ఈ మూవీకి ఆస్కార్ అవార్డు గ్ర‌హీత ఏఆర్ రెహమాన్ సంగీతం అందిస్తుండటం విశేషం. రత్నవేలు సినిమాటోగ్రాఫర్‌గా పని చేస్తున్నారు. మైత్రి మూవీ మేకర్స్, సుకుమార్ రైటింగ్స్ బ్యానర్ పై వెంకట సతీశ్‌ కిలారు రూ.200 కోట్ల బడ్జెట్‌తో ఈ సినిమాను నిర్మిస్తున్నారు.
