గ్లోబ‌ల్ స్టార్ రామ్ చరణ్(Ram Charan) అభిమానులకు క్రేజీ న్యూస్ వచ్చేసింది. ఉప్పెన ద‌ర్శ‌కుడు బుచ్చిబాబు సానా దర్శకత్వంలో తెర‌కెక్కుతున్న RC 16 మూవీ టైటిల్‌ను మేకర్స్ ప్రకటించారు. ఇవాళ చరణ్ పుట్టిన‌రోజు సంద‌ర్భంగా ఈ సినిమాకు ‘పెద్ది’ అనే టైటిల్ ఫిక్స్ చేస్తూ పోస్టర్స్ రిలీజ్ చేశారు. ఈ పోస్టర్స్‌లో చరణ్ లుక్ అదిరిపోయింది. రా అండ్ రస్టిక్, రగ్డ్ లుక్‌లో అదరగొట్టాడు. చేతిలో చుట్ట, పొడవైన జుట్టు, గుబురు గడ్డంతో మాస్ హీరోలా దర్శనమిచ్చాడు. దీంతో చెర్రీ లుక్ అదిరిపోయిందంటూ ఫ్యాన్స్ కామెంట్స్ చేస్తున్నారు.
ఇక ఈ మూవీ స్పోర్ట్స్ బ్యాక్డ్రాప్లో రూరల్ కంటెంట్‌తో రాబోతుంది. ఇప్పటికే పలు కీలక షెడ్యూల్స్ కంప్లీట్ చేసుకుంది. ఇక ఈ చిత్రంలో చరణ్ స‌ర‌స‌న క‌థానాయిక‌గా బాలీవుడ్ బ్యూటీ జాన్వీ క‌పూర్ న‌టిస్తుండగా.. కన్నడ సీనియర్ హీరో శివ‌రాజ్ కుమార్, బాలీవుడ్ న‌టుడు దివ్యేందు, జ‌గ‌ప‌తి బాబు త‌దిత‌రులు ఇత‌ర కీలక పాత్ర‌ల్లో క‌నిపించ‌నున్నారు. ఈ మూవీకి ఆస్కార్ అవార్డు గ్ర‌హీత ఏఆర్ రెహమాన్ సంగీతం అందిస్తుండటం విశేషం. రత్నవేలు సినిమాటోగ్రాఫర్‌గా పని చేస్తున్నారు. మైత్రి మూవీ మేకర్స్, సుకుమార్ రైటింగ్స్ బ్యానర్ పై వెంకట సతీశ్‌ కిలారు రూ.200 కోట్ల బడ్జెట్‌తో ఈ సినిమాను నిర్మిస్తున్నారు.
