తెలంగాణలో ఎస్సీ వర్గీకరణ(SC Classification) జీవోను న్యాయశాఖ విడుదల చేసింది. దీంతో రాష్ట్రంలో నేటి నుంచి ఎస్సీ వర్గీకరణ అమలులోకి వచ్చింది. ఎస్సీ వర్గీకరణపై ఇంగ్లీష్, తెలుగు, ఉర్దూ భాషల్లో అధికారులు గెజిట్‌ నోటిఫికేషన్‌ కూడా విడుదల చేశారు. ఈ నెల 8న ఇందుకు సంబంధించిన బిల్లును గవర్నర్‌ బిష్షుదేవ్ వర్మ ఆమోదించారు.
దీని ప్రకారం మొత్తం 59 ఎస్సీ ఉపకులాలను మూడు విభాగాలుగా వర్గీకరించారు. ఇందులో గ్రూప్ 1 – అన్ని విధాలా అత్యంత వెనుకబడిన కులాలు, గ్రూప్ 2 – మధ్యస్థ స్థితిలో ఉన్న లబ్దిపొందిన కులాలు, గ్రూప్ 3 – మెరుగైన స్థితిలో ఉన్న ఉపకులాలు ఉండనున్నాయి.
సామాజికంగా, విద్యా పరంగా, ఆర్థికంగా పూర్తిగా వెనుకబడిన వారిలో 15 ఉప కులాలు ఉన్నాయని గుర్తించి గ్రూప్-ఏ కింద ఉన్న వారికి ఒక శాతం రిజర్వేషన్లు కేటాయించారు. అదేవిధంగా మధ్యస్థంగా లబ్ధి పొందిన 18 ఉప కులాలకు గ్రూప్-బీ కింద ఉన్న వారికి 9 శాతం, గణనీయంగా లబ్ధిపొందిన 26 ఉప కులాలను గ్రూప్-సీ కింద ఉన్న వారికి 5 శాతం రిజర్వేషన్లు వర్తించనున్నాయి.
