SC Classification: ఎస్సీ వర్గీకరణ రిజర్వేషన్లపై మార్గదర్శకాలు విడుదల

ఎస్సీ వర్గీకరణకు(SC Classification)సంబంధించి ఏపీ ప్రభుత్వం గెజిట్‌ జారీ చేసిన సంగతి తెలిసిందే. తాజాగా రిజర్వేషన్‌ నిబంధనలు, మార్గదర్శకాలు విడుదల చేస్తూ నోటిఫికేషన్‌ విడుదల చేసింది. ఈ నిబంధనలు తక్షణం అమల్లోకి వస్తాయని పేర్కొంది. మొదటి గ్రూప్‌లో ఉన్న రెల్లి సహా 12 ఉపకులాలకు 1 శాతం రిజర్వేషన్‌ వర్తించనుంది. రెండో గ్రూప్‌లో మాదిగ సహా 18 ఉపకులాలకు 6.5 శాతం రిజర్వేషన్‌, మూడో గ్రూప్‌లో మాల సహా 29 ఉపకులాలకు 7.5 శాతం రిజర్వేషన్‌ కల్పించనుంది. ఎస్సీ వర్గీకరణ కింద మొత్తం 15 శాతం రిజర్వేషన్‌ కల్పించేలా ప్రభుత్వం నిబంధనలు జారీ చేసింది. ఈ మూడు కేటగిరిల్లోనూ మహిళలకు 33.3 శాతం రిజర్వేషన్లు వర్తిస్తాయని స్పష్టం చేసింది.