మనం తరచూ భోజనానికి ముందు గానీ, తినే సమయంలో గానీ లేదా వెంటనే తిన్నాక గానీ నీళ్లు తాగుతుంటాం. కానీ దీన్ని పెద్దలు నిషేధిస్తుంటారు. ఎందుకంటే, ఇలా చేయడం వల్ల జీర్ణ ప్రక్రియ సవ్యంగా జరిగే అవకాశాలు తగ్గిపోతాయి. మనం తినే కొన్ని ప్రత్యేక ఆహార పదార్థాల తర్వాత నీటిని తాగడం ఆరోగ్యాన్ని హానికరంగా ప్రభావితం చేయగలదు. అవేంటో ఈ కథనంలో తెలుసుకుందాం.
పుచ్చకాయ: వేసవిలో పుచ్చకాయను అధికంగా తింటుంటారు.. పుచ్చకాయలో నీరెక్కువగా ఉంటుంది. దాన్ని తిన్న వెంటనే నీరు తాగితే జీర్ణవ్యవస్థ గందరగోళానికి గురవుతుంది. ఇది కడుపులో అజీర్తి, పేగుల్లో ఆమ్ల స్థాయిల పెరుగుదలకి దారితీస్తుంది.
అరటి తినాక: అరటిపండు తిన్న వెంటనే చల్లటి నీరు తాగితే అజీర్తి సమస్య తలెత్తే అవకాశం ఎక్కువ. ఆయుర్వేద నిపుణుల ప్రకారం అరటి తిన్నాక కనీసం 15 నిమిషాల పాటు నీటికి దూరంగా ఉండాలి. లేకపోతే ఇబ్బందులు తప్పవు అంటున్నారు నిపుణులు.
వేరు శనగలు తిన్నాక: సాధారణంగా వేరు శనగను అందరూ ఇష్టంగా తింటుంటారు. వీటిలో కొవ్వు పదార్థాలు ఎక్కువగా ఉండటంతో వాటిని తిన్న తర్వాత నీరు తాగితే ఆ కొవ్వు పదార్థాలు ఆహారనాళంలో పేరుకుపోయే ప్రమాదం ఉంది. దీని వల్ల గొంతు మంట, దగ్గు వంటి సమస్యలు కలుగవచ్చు.
నిమ్మకాయ, ముసంబి లాంటి నిమ్మజాతి పండ్లు: ఈ పండ్లలో సిట్రిక్ యాసిడ్ పుష్కలంగా ఉంటుంది. వెంటనే నీరు తాగితే పొట్టలో పీహెచ్ స్థాయిలు బాగా మారిపోతాయి. ఫలితంగా గ్యాస్, ఎసిడిటీ, అజీర్తి వంటి సమస్యలు వస్తాయి.
పాలు: గోరువెచ్చని పాలు తాగాక వెంటనే నీరు తాగితే జీర్ణక్రియ మందగిస్తుంది. పాలు శరీరంలో ఆమ్లాలను ఉత్పత్తి చేస్తాయి. కానీ నీరు ఆమ్లాలను పలుచన చేస్తుంది. దీని వల్ల జీర్ణ వ్యవస్థకు తారసపడే రసాయన స‌మతుల్యతలో గందరగోళం తలెత్తుతుంది.
సాధారణంగా ఆహారాన్ని తిన్న వెంటనే నీరు తాగకపోవడం మంచిదే. ఇది జీర్ణవ్యవస్థను సమర్థవంతంగా పనిచేయేలా చేస్తుంది. అయితే ఇప్పుడు మనం చెప్పుకున్న పదార్థాల తిన్న తర్వాత కనీసం 20–30 నిమిషాల పాటు నీరు తాగకుండా ఉండటం వల్ల ఆరోగ్యంపై మంచి ప్రభావం ఉంటుంది. ఇలాంటి చిన్న అలవాట్లే మన శరీరాన్ని ఆరోగ్యంగా ఉంచే పెద్ద మార్గాల్లో ఒకటి అవుతాయి. (గమనిక: ఈ కథనం ఇంటర్నెట్ లో అందుబాటులో ఉన్న సమాచారం ఆధారంగా రాసినవి. వీనిని తెలుగు ప్రభ ధృవీకరించడం లేదు.)
