భారతదేశ రాష్ట్రపతి ద్రౌపది ముర్ము జూన్ 10న ఆంధ్రప్రదేశ్‌లోని విశాఖపట్నం నగరానికి పర్యటనకు రానున్నారు. రాష్ట్రపతిగా బాధ్యతలు చేపట్టిన తరువాత ముర్ము ఈ ప్రాంతానికి వస్తున్నది ఇదే మొదటిసారి కావడం విశేషం. ఈ సందర్భంగా రాష్ట్రపతికి గౌరవ వందనం ఇవ్వడంతో పాటు, ఆమె పర్యటన సజావుగా సాగేందుకు అధికారులు విస్తృత భద్రతా ఏర్పాట్లు చేస్తున్నారు.
ఈ పర్యటనలో భాగంగా రాష్ట్రపతి ద్రౌపది ముర్ము, విశాఖలో జరుగనున్న కేంద్రీయ గిరిజన యూనివర్సిటీ తొలి స్నాతకోత్సవానికి ముఖ్య అతిథిగా హాజరుకానున్నారు. ఉదయం 11:30 గంటలకు విశాఖకు చేరుకోనున్న ముర్ము, అక్కడి నుంచి బీచ్ రోడ్డులోని ఆంధ్ర విశ్వవిద్యాలయ కన్వెన్షన్ సెంటర్‌కి కారులో ప్రయాణిస్తారు. కార్యక్రమం ముగిశాక మధ్యాహ్నం 1:20 గంటల ప్రాంతంలో ఆమె ఝార్ఖండ్ పర్యటనకు బయలుదేరుతారు.
రాష్ట్రపతి పర్యటన దృష్ట్యా విశాఖలో ఇప్పటికే భద్రతా వ్యవస్థ పటిష్టంగా ఏర్పాటు చేస్తున్నారు. కూటమి ప్రభుత్వం బాధ్యతలు చేపట్టిన తర్వాత రాష్ట్రపతిని ఆత్మీయంగా ఆహ్వానించేందుకు విశేష ఏర్పాట్లు చేస్తోంది. అధికారులు, భద్రతా దళాలు, ట్రాఫిక్ నియంత్రణ సంస్థలు సమన్వయంగా ఈ పర్యటనను విజయవంతం చేయడానికి సిద్ధమవుతున్నాయి.
