శ్రీశైలంలో ఉగాది మహోత్సవాలను పురస్కరించుకొని ఐదు రోజులపాటు జరిగే మహోత్సవాల ఐదవ రోజైన ఈరోజు శ్రీస్వామి అమ్మవార్లకు విశేష పూజలు నిర్వహించారు. శ్రీస్వామి వారి యగశాలలో చండీస్వర స్వామికి ప్రత్యేక పూజాదికాలు నిర్వహించి, అనంతరం పూర్ణాహుతి కలశోద్వాసన, త్రిశూల స్నానం జరిపారు. ఈ పూర్ణాహుతి కార్యక్రమంలో శాస్త్రోక్తంగా నారికేళాలు, పలు సుగంధ ద్రవ్యాలు, నూతన వస్త్రాలు మొదలైన ద్రవ్యాలను హోమ గుండంలోకి ఆహుతిగా ఆలయ ఈవో లవన్న సమర్పించి యాగ పూర్ణాహుతి కార్యక్రమాన్ని పూర్తి చేశారు.
- Advertisement -
అనంతరం వసంతోత్సవం జరిపి వసంతోత్సవం తరువాత చండీశ్వర స్వామిని పల్లకిలో ఊరేగింపుగా ఆలయంలోని మల్లికా గుండం వద్ద తోడ్కొని వచ్చి చండీశ్వర స్వామికి వైదిక శాస్త్రంగా స్నానం చేయించారు.
