మాజీ మంత్రి, వైఎస్సార్ కాంగ్రెస్ పార్టీ సీనియర్ నేత అంబటి రాంబాబుకు ఊహించని షాక్ తగిలింది. ఇటీవల గుంటూరులో నిర్వహించిన ‘వెన్నుపోటు దినం’ కార్యక్రమం సమయంలో జరిగిన సంఘటనల నేపథ్యంలో ఆయనపై క్రిమినల్ కేసు నమోదు అయ్యింది. బుధవారం ఆ కార్యక్రమంలో భాగంగా అంబటి రాంబాబు పార్టీ శ్రేణులతో కలసి కలెక్టరేట్ దిశగా వెళ్లే యత్నం చేశారు. అయితే మధ్యలో ఉన్న టీజేపీఎస్ కళాశాల వద్ద పోలీసులు అతనిని అడ్డుకున్నారు.
ఈ సమయంలో అంబటి రాంబాబు సీరియస్‌గా స్పందించి.. తనను ఎందుకు అడ్డుకుంటున్నారంటూ సీఐ వెంకటేశర్లుతో వాగ్వాదానికి దిగారు. ఈ ప్రక్రియలో ఆయన పోలీసు సిబ్బందిని నెట్టే ప్రయత్నం చేసినట్టు తెలుస్తోంది. అధికారిక విధులకు ఆటంకం కలిగించారనే అభియోగాలపై పోలీసులు స్పందించి, పట్టాభిపురం పోలీస్ స్టేషన్‌లో అంబటి రాంబాబుతో పాటు మరికొంతమంది వైసీపీ నేతలపై కేసు నమోదు చేశారు. భారతీయ న్యాయ విధానంలో అధికార వేతనాధికారులను ఆటంకపెట్టడాన్ని నేరంగా పరిగణించే బీఎన్ఎస్ యాక్ట్ సెక్షన్ 353 కింద ఈ కేసు దాఖలైంది.
