క్యాన్సర్” అనే పదం వినగానే ఎంతోమందిలో భయం, ఆందోళన మొదలవుతుంది. మానవ చరిత్రలో అతి ప్రమాదకరమైన వ్యాధుల్లో ఇది ఇదొకటి. చికిత్సకు వైద్యసాంకేతికంగా ఎన్నో మార్గాలు వచ్చినా, క్యాన్సర్ ను ప్రాథమిక దశలో గుర్తించకపోతే అది జీవితం మీదే ప్రభావం చూపుతుంది. అయితే తాజాగా వెలుగులోకి వచ్చిన ఒక శాస్త్రీయ అధ్యయనం ప్రజలకు కొత్త ఆశను కలిగిస్తోంది.
ఇంగ్లాండ్‌లోని కేంబ్రిడ్జ్ విశ్వవిద్యాలయం శాస్త్రవేత్తలు నిర్వహించిన ఈ పరిశోధనలో, క్యాన్సర్ వ్యాధి శరీరంలో ఏర్పడే మూడు సంవత్సరాల ముందే దాని సంకేతాలు మొదలవుతాయని వెల్లడైంది. ఈ సంకేతాలను గుర్తించగలిగితే, క్యాన్సర్ తీవ్రతను చాలా వరకు తగ్గించవచ్చు. దీని కోసం పరిశోధకులు అభివృద్ధి చేస్తున్న కొత్త రక్త పరీక్ష కీలక పాత్ర పోషించనుంది.
ఈ రక్త పరీక్ష ద్వారా శరీరంలోని జీవకణాల్లో వచ్చే మార్పులను, ఎర్రకణాల ప్రవర్తనను అధ్యయనం చేసి, క్యాన్సర్ వచ్చే అవకాశం ఉన్న వ్యక్తులను ముందుగానే గుర్తించవచ్చు. ఈ సాంకేతికత పూర్తిగా అభివృద్ధి చెందితే, ప్రపంచవ్యాప్తంగా కోట్లాది మంది ప్రాణాలను రక్షించే అవకాశం ఉంది. క్యాన్సర్ వస్తే తప్పించలేమనే అభిప్రాయానికి దీన్ని ఉదాహరణగా చూపవచ్చు – ఎందుకంటే ఇప్పుడు మునుపే పసిగట్టే మార్గం లభిస్తోంది.
ప్రస్తుతం ఈ పరిశోధన ప్రయోగ దశలో ఉన్నప్పటికీ, రాబోయే కొన్ని సంవత్సరాల్లో ఈ టెస్టు వైద్యరంగంలో వినూత్నమైన మార్పుకు నాంది పలకనుంది. అత్యాధునిక బయోటెక్నాలజీ, జన్యుపరిశోధనల మద్దతుతో క్యాన్సర్ ముందస్తు గుర్తింపు సాధ్యమవుతుంది అన్న నమ్మకాన్ని ఈ అధ్యయనం కలిగిస్తోంది. ఇదంతా చూస్తే, భవిష్యత్తులో “క్యాన్సర్ అనేది ముందుగానే పసిగట్టదగిన వ్యాధి”గా మారే రోజులు దూరంగా లేవు. ఈ ఆవిష్కరణ ద్వారా మానవజాతికి మరోసారి శాస్త్రం ఆశాజ్యోతి చూపించినట్లే.
