Apple buying AI : టెక్నాలజీ రంగంలో దిగ్గజం ఆపిల్ కంపెనీ ఇప్పటి వరకు ఆర్టిఫిషియల్ ఇంటెలిజెన్స్ (AI)పై అంతగా దృష్టి పెట్టలేదు. మైక్రోసాఫ్ట్, గూగుల్ వంటి సంస్థలు ఈ విషయంలో చాలా ముందున్నాయి. ఆపిల్ కూడా ఇప్పుడు ఎఐతో ఇతర సంస్థలకు గట్టి పోటీని ఇచ్చేందుకు సిద్ధమవుతోంది. తాజాగా ఈ ఆపిల్ కంపెనీ ప్రముఖ AI స్టార్ట్‌అప్ అయిన Perplexity AI ను కొనుగోలు చేసే యోచనలో ఉన్నట్లు బ్లూమ్‌బెర్గ్ నివేదిక వెల్లడించింది. ఇది ఆపిల్ ప్రస్తుత దృష్టిని, భవిష్యత్తు వ్యూహాన్ని ప్రతిబింబించే ఒక ముఖ్యమైన పరిణామంగా ఇది సూచిస్తోంది.
Perplexity అనేది ఒక అధునాతన AI శోధన ఇంజిన్. ఇది గూగుల్ లాంటి ట్రెడిషనల్ సర్చ్‌తో పోలిస్తే చాలా ఇంటెలిజెంట్‌గా, విశ్లేషణాత్మకంగా సమాచారం అందించగలదు. ఇది చాట్‌బేస్డ్ ఇంటర్‌ఫేస్‌లో నేరుగా సమాధానాలను, మూలాల సహితంగా ఇచ్చే విధంగా రూపొందించబడింది. ఈ స్టార్ట్‌అప్ ఇప్పటికే మార్కెట్‌లో మంచి గుర్తింపు సంపాదించుకుంది.
ఈ స్టార్టప్ పై ఆపిల్‌కు ఎందుకు ఆసక్తి?
– Safari బ్రౌజర్‌లో AI శోధనను జోడించాలన్న లక్ష్యం
– గూగుల్ డిఫాల్ట్ సెర్చ్ ఇంజిన్‌గా ఉన్నప్పటికీ, ఇతర సంస్థలపై ఆధారపడడాన్ని తగ్గించాలనే ఆపిల్ ఉద్దేశం ఉంది.
– Perplexity టెక్నాలజీని Safariలో అనుసంధానం చేయడం ద్వారా కొత్త తరహా శోధన అనుభవాన్ని అందించవచ్చు.
Siri అభివృద్ధికి కీలకం
– Siri (ఆపిల్ వాయిస్ అసిస్టెంట్) ప్రస్తుతం GPT, ఇతర మోడల్స్‌తో పాటుగా పనులు చేస్తోంది.
– Perplexity టెక్నాలజీని అందులో జోడిస్తే మరింత ఇంటెలిజెంట్, సమర్థవంతమైన సహాయకుడిని సిద్ధం చేసినట్లవుతుంది.
AI రంగంలో పోటీకి సిద్ధం కావడం
– గ్లోబల్ టెక్ దిగ్గజాలు అయిన గూగుల్, మైక్రోసాఫ్ట్, మెటా, అమెజాన్ వంటి దిగ్గజాలు ఇప్పటికే AI స్టార్ట్‌అప్స్‌లో పెద్ద మొత్తంలో పెట్టుబడులు చేస్తూ, భవిష్యత్ పై మరింత దృష్టి కేంద్రీకరించాయి.
– ఆపిల్ ఇప్పటివరకు తక్కువ స్థాయిలో ఉండగా, ఇప్పుడు పూర్తి స్థాయిలో రంగప్రవేశం చేయాలనే ఉద్దేశంతో ఉంది.
కొనుగోలు విలువ
Perplexity వాల్యుయేషన్ ప్రస్తుతం సుమారు 14 బిలియన్ డాలర్లు ఉంది. ఇది ఆపిల్ జరిపిన అతి పెద్ద డీల్ అవ్వనుంది. గతంలో Beats కొనుగోలు చేసినప్పుడు $3 బిలియన్ ఖర్చు చేసింది. అయితే ఇది ఇప్పటికీ ప్రాథమిక చర్చలు మాత్రమే. ఎలాంటి అధికారిక ఒప్పందం జరగలేదు.
ఏ అడ్డంకులు ఉండే అవకాశముంది?
స్టార్ట్‌అప్‌ను కొనుగోలు చేయడంలో పెట్టుబడులు భారీగా కావాల్సి ఉంటుంది. మెటా, సామ్సంగ్ లాంటి కంపెనీలు కూడా Perplexity కొనుగోలు పట్ల ఆసక్తిని చూపినట్లు సమాచారం. మళ్లీ antitrust సమస్యలు ఎదురయ్యే అవకాశం ఉంది. ఇతర సంస్థలకు AI రంగంలో గట్టి పోటీ ఇస్తూ, ఈ రంగంలో ఆధిపత్యాన్ని సాధించాలనుకునే ఆపిల్ వ్యూహాల్లో ఇది ఓ ప్రధాన మైలురాయి కావుచ్చని నిపుణులు భావిస్తున్నారు. Perplexity AIను కొనుగోలు చేస్తే, ఆపిల్ తన సాఫ్ట్‌వేర్, సర్వీసులలో కొత్త వేరియంట్లను అందించగలదు. Siri, Safari, Spotlight వంటి సేవలు మరింత మేధస్సుతో అభివృద్ధి చెంది, వినియోగదారులకు మెరుగైన అనుభవాన్ని అందించగలవు. అయితే, ఇది ఎలా ఫలితాన్నిస్తుందో, అధికారిక ఒప్పందం ఎప్పుడు జరుగుతుందో చూడాల్సిందే.