RC 16 : కరోనా సమయంలో అందరికంటే ముందు డేర్ చేసి రిలీజ్ చేసిన సినిమా ఉప్పెన. కొత్త హీరో, కొత్త హీరోయిన్, కొత్త డైరెక్టర్ తో తెరకెక్కిన ఉప్పెన చిన్న సినిమాగా రిలీజయి భారీ విజయం సాధించింది. 20 కోట్ల బడ్జెట్ తో తెరకెక్కిన ఈ సినిమా దాదాపు 100 కోట్లు కలెక్ట్ చేసి అందర్నీ ఆశ్చర్యపరిచింది.
ఈ సినిమాని సుకుమార్ దగ్గర దర్శకత్వ శాఖలో పనిచేసిన బుచ్చిబాబు సాన డైరెక్ట్ చేశాడు. ఈ సినిమా ఇచ్చిన విజయంతో బుచ్చిబాబు దూసుకుపోతాడు అనుకున్నారు. కానీ సినిమా రిలీజ్ అయిన దగ్గర్నుంచి బుచ్చిబాబు ఖాళీగానే ఉన్నాడు. ఆ మధ్య ఎన్టీఆర్ తో సినిమా ఉంటుంది అన్నారు కానీ దాని ఊసే లేదు.
తాజాగా మెగా పవర్ స్టార్ రామ్ చరణ్ ఉప్పెన డైరెక్టర్ బుచ్చిబాబు సాన దర్శకత్వంలో సినిమాని అనౌన్స్ చేశారు. ఈ సినిమాని మైత్రి మూవీ మేకర్స్, సుకుమార్ రైటింగ్స్ కలిసి నిర్మిస్తున్నారు. ఈ సినిమాని అనౌన్స్ చేస్తూ.. కొన్ని సార్లు తిరుగుబాటు అవసరమవుతుంది అనే క్యాప్షన్ ఇచ్చారు. దీంతో ఈ సినిమా ఫుల్ మాస్ గా ఉంటుందని అభిమానులు అంచనా వేసుకుంటున్నారు.
మైత్రి మేకర్స్ అల్రెడీ బుచ్చిబాబుకి అడ్వాన్స్ ఇచ్చి ఉన్నారు, చరణ్ డేట్స్ మైత్రి వాళ్ళ దగ్గర ఉన్నాయి. దీంతో ఈ కాంబోలో సినిమా సెట్ అయిపోయింది. మరి ఈ సరి కొత్త కాంబో ఎలా ఉంటుందో చూడాలి. చరణ్-శంకర్ సినిమా షూట్ అయ్యాక ఈ సినిమా షూట్ మొదలవుతుంది.
