భారత రాజ్యాంగ నిర్మాత డాక్టర్ బాబా సాహెబ్ అంబేద్కర్ జయంతిని జమ్మికుంట పట్టణంలో ఘనంగా నిర్వహించారు. కార్యక్రమానికి ముఖ్యఅతిథిగా హాజరైన అంబేద్కర్ మనవడు ప్రకాష్ యశ్వంత్ అంబేద్కర్ మోతులగూడెం చౌరస్తా వద్ద ఉన్న అంబేద్కర్ విగ్రహానికి పూలమాలవేసి ఘన నివాళులర్పించారు. ఈ సందర్భంగా ఆయనకు మున్సిపల్ చైర్మన్ తక్కల్లపల్లి రాజేశ్వరరావు, వైస్ చైర్మన్ దేశిని స్వప్న కోటి, స్థానిక కౌన్సిలర్ ఆధ్వర్యంలో పుష్పగుచ్చం అందించి శాలువా కప్పి ఘన స్వాగతం పలికారు.
- Advertisement -
ఈ కార్యక్రమంలో మంత్రి గంగుల కమలాకర్, ప్రభుత్వ విప్, ఎమ్మెల్సీ పాడి కౌశిక్ రెడ్డి, రాష్ట్ర ఎస్సి కార్పొరేషన్ చైర్మన్ బండ శ్రీనివాస్, చెన్నూరు ఎమ్మెల్యే బాల్క సుమన్, జెడ్పిటిసి సభ్యుడు శ్రీరామ్ శ్యామ్, స్థానిక కౌన్సిలర్లు పాల్గొన్నారు.
