డైరెక్టర్ తేజ సినిమాలే కాదు మాటలు కూడా చాలా సెన్సేషనల్ గా ఉంటాయి. హీరో ఉదయ్ కిరణ్ ఎందుకు బలవంతంగా ప్రాణాలు తీసుకున్నాడో నాకు తెలుసని, ఆ విషయాలన్నీ సమయం వచ్చినప్పుడు మొత్తం వివరిస్తానని తేజా చెప్పటం టాక్ ఆఫ్ టాలీవుడ్ గా మారింది. ఉదయ్ కిరణ్ లైఫ్ లో జరిగిన అన్ని విషయాలు తనకు తెలుసని, తాను చచ్చేలోగా ఈ విషయాలన్నీ రివీల్ చేయనున్నట్టు తేజ చెప్పటం హాట్ టాపిక్ గా మారింది. తన లైఫ్ లో జరిగిన అన్ని విషయాలు ఎప్పటికప్పుడు ఉదయ్ షేర్ చేసేవాడని తేజ చెప్పటం విశేషం. తేజ-ఉదయ్ మధ్య ఉన్న అనుబంధం మనందరికీ బాగా తెలుసు. ఈనేపథ్యంలో ఉదయ్ బయోగ్రఫీని బయోపిక్ సినిమాగా తేజకు తీసే ఆలోచన ఏమైనా ఉందా అనే అనుమానాలు రేకెత్తిస్తున్నాయి. ఒకవేళ అలాంటిదేమైనా జరిగితే అందులో మెగాస్టార్ , ఆయన పెద్ద కుమార్తెతో ఉదయ్ కు జరిగిన నిశ్చితార్థం వంటి ఎపిసోడ్స్ ఉంటాయా అన్నది మరింత ఆసక్తికరంగా నిలవటం ఖాయం. ఉదయ్-తేజది హిట్ కాంబో. అసలు ఉదయ్ కిరణ్ ఎందుకు బలవంతంగా ప్రాణాలు తీసుకోవాల్సి వచ్చిందనేది ఇప్పటికీ పెద్ద మిస్టరీగా మిగిలిపోయింది. ప్రస్తుతం అహింస సినిమా పనుల్లో తేజా బిజీగా ఉన్నారు.
హీరో సూసైడ్..సీక్రెట్స్ నాకు తెలుసు
చచ్చేలోగా ఆ హీరో లైఫ్ డార్క్ సీక్రెట్స్ చెబుతా
సంబంధిత వార్తలు | RELATED ARTICLES
