పాలకుర్తి నియోజకవర్గం తొర్రూరు మండలం వెంకటాపురం గ్రామానికి చెందిన గాధగాని శివతేజ అంతర్జాతీయ కరాటే పోటీలకు ఎంపికయ్యాడు. జాతీయ స్థాయిలో సత్తా చాటి, దేశం తరఫున థాయిలాండ్ కరాటే పోటీలోకి దిగనున్న శివతేజని మంత్రి ఎర్రబెల్లి దయాకర్ రావు అభినందించారు. అలాగే 20 వేల రూపాయల ఆర్థిక సహాయం అందజేశారు. కరాటే లో అంతర్జాతీయ స్థాయిలో భవిష్యత్తులో బాగా రాణించాలని ఆకాంక్షించారు. ఈ కార్యక్రమంలో వెంకటాపురం సర్పంచ్ లింగన్న గౌడ్, శివతేజ కుటుంబ సభ్యులు గ్రామస్తులు ఉన్నారు.