Maddikera: విధుల పట్ల నిర్లక్ష్య వద్దు

విధుల పట్ల ప్రతి ఒక్కరూ సమయపాలన పాటించి ప్రజలకు అందుబాటులో ఉండాలని మద్దికెర జడ్పిటిసి సభ్యులు మురళీధర్ రెడ్డి అన్నారు. మండల పరిధిలోని పెరవలి గ్రామంలో సచివాలయాన్ని ఆయన సందర్శించారు. ఈ సందర్భంగా అక్కడ విధులు నిర్వహిస్తున్న ఉద్యోగులను తమ విధులకు ఎటువంటి ఇబ్బంది కలగకుండా సక్రమంగా పనిచేయాలని, ప్రభుత్వం నిర్ణీత సమయంలో హాజరై కార్యాలయాలకు వచ్చే ప్రజలకు మెరుగైన సేవలు అందించాలన్నారు. అనంతరం అక్కడ జరుగుతున్న ఆధార్ ప్రత్యేక కౌంటర్ ను పరిశీలించారు. ఈ కార్యక్రమంలో ఇరిగేషన్ శాఖ రాష్ట్ర డైరెక్టర్ రేలంపాడు వెంకటేశ్వర్లు, మాజీ ఎంపీపీ మల్లికార్జున యాదవ్, రామలింగారెడ్డి, పంచాయతీ కార్యదర్శి సుధాకర్, విఆర్వోలు మల్లికార్జున, ఆనందయ్య, వైసీపీ నాయకులు రామకృష్ణ (చిట్టి), ముష్టూర్ రామాంజనేయులు, అశోక్ కుమార్ రెడ్డి తదితరులు ఉన్నారు.