పార్లమెంట్ సరికొత్త భవనాన్ని ప్రధాని నరేంద్ర మోడీ జాతికి అంకితం చేశారు. దీంతో స్వతంత్ర భారతంలో తొలిసారి పార్లమెంట్ భవనాన్ని మనం నిర్మించుకుని అందులో సభలో నిర్వహించబోతున్నాం. ఆత్మ నిర్భర్ భారత్ కు ప్రతీక ఈ కొత్త పార్లమెంట్ అంటూ ప్రధాని ఈసందర్భంగా పేర్కొన్నారు. 888 మంది లోక్ సభ సభ్యులు, 384 మంది రాజ్యసభ సభ్యులు కూర్చునేందుకు అనువుగా ఈ కొత్త భవనం భవిష్యత్ అవసరాలకు తగ్గట్టు నిర్మించారు. జాతీయ పక్షి నెమలి ఆకారంలో లోక్ సభ, జాతీయ పుష్పం కమలం ఆకృతిలో రాజ్యసభను నిర్మించటం మరో హైలైట్.
రాజదండం సెంగోల్ ను ప్రధాని లోక్ సభలో ప్రతిష్ఠించారు. కాగా ప్రధాన ప్రతిపక్ష పార్టీలన్నీ ఈ చారిత్రాత్మక కార్యక్రమానికి దూరంగా ఉండిపోవటం సంచలనంగా మారింది. విపక్షాల నిరసన మధ్యనే ఈ కార్యక్రమం అంగరగ వైభవంగా సాగింది. సంప్రదాయ బద్ధంగా సర్వమత ప్రార్థనలు నిర్వహించారు. ఏపీ సీఎం జగన్ కూడా ఈ కార్యక్రమాల్లో పాల్గొన్నారు.
