Mounika Reddy : షార్ట్ ఫిలిమ్స్ తో కెరీర్ మొదలుపెట్టి ‘అబ్బాయి క్యూట్ అమ్మాయి నాటు’ సిరీస్ తో ఫేమ్ తెచ్చుకుంది మౌనిక రెడ్డి. కరోనా ముందు సూర్య వెబ్ సిరీస్ లో షణ్ముఖ్ తో కలిసి నటించి బాగా పాపులర్ అయింది. ఆ తర్వాత పలు సినిమాల్లో కూడా నటించింది. ప్రస్తుతం పలు సిరీస్ లు, సినిమాలలో నటిస్తుంది.
తాజాగా మౌనిక రెడ్డి పెళ్లి చేసుకోబోతుంది. తను ప్రేమించిన అబ్బాయినే పెళ్లి చేసుకోనుంది. ఆ అబ్బాయిని సందీప్ అంటూ పరిచయం చేస్తూ వారిద్దరూ కలిసి దిగిన ఫోటోని పోస్ట్ చేసింది. తాజాగా నిశ్చితార్థం జరగడంతో ఆ నిశ్చితార్థం ఫోటో కూడా పోస్ట్ చేసింది. ఇక తన పెళ్లి గురించి చెప్తూ ఓ వీడియోని పోస్ట్ చేసింది.
సందీప్ తో తన పెళ్లి గోవాలో డెస్టినేషన్ వెడ్డింగ్ లా జరగనుంది. డిసెంబర్ 17,18లో మా వివాహం జరగనుందని పోస్ట్ చేసింది. దీంతో పలువురు నెటిజన్లు, అభిమానులు ఆమెకి కంగ్రాట్స్ చెప్తున్నారు.
