గిరిజనుల సంక్షేమం సీఎం కేసిఆర్ వల్లే సాధ్యమయ్యిందన్నారు మంత్రి ఎర్రబెల్లి దయాకర్ రావు. పల్లె ప్రగతి తో గ్రామాలు కడిగిన ముత్యంలా తయారయ్యాయని, మాల్యా తండాలో గిరిజన సంక్షేమ దినోత్సవ వేడుకల్లో పాల్గొన్న మంత్రి ఎర్రబెల్లి అన్నారు. ఈ కార్యక్రమానికి స్థానిక ఎమ్మెల్యే అరూరి రమేష్, స్థానిక ప్రజా ప్రతినిధులు, అధికారులు హాజరయ్యారు.
- Advertisement -
తెలంగాణ రాష్ట్ర అవతరణ దశాబ్ది ఉత్సవాల్లో భాగంగా తెలంగాణ గిరిజన సంక్షేమ దినోత్సవం సందర్భంగా వరంగల్ జిల్లా, వర్ధన్నపేట నియోజకవర్గం, పర్వత గిరి మండలం, మాల్యా తండాలో జరిగిన కార్యక్రమాల్లో మంత్రి ఎర్రబెల్లి దయాకర్ రావు పాల్గొన్నారు. ఈ సందర్భంగా గ్రామంలో సేవాలాల్ చిత్ర పటానికి పూల మాల వేసి పుష్పాంజలి ఘటించి, నూతన గ్రామ పంచాయతీ భవనానికి శంకుస్థాపన చేశారు.
