Unstoppable with NBK: నందమూరి నటసింహం బాలకృష్ణ తొలిసారి ఓటీటీ వేదిక ఆహాలో ‘అన్ స్టాపబుల్’ అనే టాక్ షోకి హోస్ట్‌గా వ్యవహరిస్తున్న సంగతి తెలిసిందే. మొత్తం 12 ఎపిసోడ్‌లుగా స్ట్రీమింగ్ అయిన తొలి సీజన్ బ్లాక్ బస్టర్ షోగా నిలిచిన సంగతి తెలిసిందే. ఈ షో ఒక విధంగా ఆహా ఓటీటీ రేంజ్ ను మార్చింది. ఈ షో వల్లే ఆహా ఓటీటీకి సబ్ స్క్రైబర్ల సంఖ్య పెరిగింది. ఈ షోకు రికార్డు స్థాయిలో వ్యూస్ రావడంతో పాటు గతంలో ఏ టాక్ షో మెప్పించని స్థాయిలో ఈ షో మెప్పించింది.
ఇక రెండవ సీజన్ లో ఊహించనివిధంగా టాప్ స్టార్స్ ను గెస్ట్ లుగా తీసుకొస్తున్నారు. ఇప్పటికే రెబల్ స్టార్ ప్రభాస్.. మ్యాచోస్టార్ గోపీచంద్ ఈ షోలో హల్చల్ చేయగా.. త్వరలో ప్రసారం కాబోతున్న ఈ ఎపిసోడ్ కోసం ఫ్యాన్స్ ఎంతగానో ఎదురుచూస్తున్నారు. అయితే.. ఈ సీజన్ లో స్టార్స్ హవా ఈ షోలో భారీగా కనిపించనుందని టాక్ వినిపిస్తుంది. త్వరలోనే పవర్ స్టార్ పవన్ కళ్యాణ్-దర్శకుడు త్రివిక్రమ్ శ్రీనివాస్, నేచురల్ స్టార్ నానీ-రానా దగ్గుబాటి ఈ షోకు రానున్నారని వినిపిస్తుంది.
ఇక, పవన్-త్రివిక్రమ్ ఎపిసోడ్ తర్వాత బాబాయ్ అన్ స్టాపబుల్ షోకు అబ్బాయిలు జూనియర్ ఎన్టీఆర్, కళ్యాణ్ రామ్ కూడా రానున్నట్లు తెలుస్తుంది. ఒక్కో ఎపిసోడ్ లో ఊహించని విధంగా గెస్ట్స్ ను సెట్ చేస్తున్న నిర్వాహకులు బాబాయ్ అబ్బాయిలతో దద్దరిల్లే ఎపిసోడ్ ను సెట్ చేయడం ఖాయంగా కనిపిస్తుంది. అదే జరిగితే ఓటీటీ షేక్ కావడం ఖాయం. అదే జరిగితే నందమూరి అభిమానుల హంగామా అంతా ఇంతా కాదని చెప్పాల్సిన పనిలేదు.
